पुणे -डेक्कन एज्युकेशन सोसायटीच्या विविध शाळांमध्ये शाळेचा पहिला दिवस उत्साहात साजरा करण्यात आला. न्यायमूर्ती रानडे बालक मंदिरात शाळेच्या पहिल्या दिवशी स्वागताची विशेष तयारी करण्यात आली होती. सनईचे सूर, रांगोळी, ङ्गुग्यांची सजावट आणि स्वागतासाठी छोटा भीम, डोरोमॉन उपस्थित होते. अहिल्यादेवी शाळेत पाटीपूजनाचा कार्यक‘म करण्यात आला.
डेक्कन एज्युकेशन सोसायटीच्या नवीन मराठी शाळेत पहिल्याच्या विद्यार्थ्यांचे पुष्पवृष्टी करून स्वागत करण्यात आले. तिसरी आणि चौथीच्या विद्यार्थ्यांनी पुण्यात साहित्यिक ग. दी. माडगूळकर यांचे स्मारक व्हावे या मागणीसाठी तिसरी आणि चौथीच्या विद्यार्थ्यांनी मानवी साखळी केली होती. न्यू इंग्लिश स्कूल रमणबागमध्ये पारंपरिक पध्दतीने पाटी पूजनाचे आयोजन करण्यात आले होते. वाचन संस्कृतीचे महत्व सांगणारी नाटीका सादर करण्यात आली.
न्यू इंग्लिश मीडियम स्कूलमध्ये डेक्कन एज्युकेशन सोसायटीचे संस्थापक लोकमान्य टिळक, समाजसुधारक आगरकर, विष्णूशास्त्री चिपळूणकर, शाहू महाराज, महादेव बल्लाळ नामजोशी आदींच्या प्रतिमांचे पूजन करण्यात आले. विद्यार्थ्यांना खाऊवाटप करण्यात आला. मा. स. गोळवलकर प्राथमिक शाळेत विद्यार्थ्यांचे औक्षण करण्यात आले. पर्यावरण रक्षणाचा संदेश, प्रबोधनपर गाणी आणि कथा सांगण्यात आल्या.
डीईस प्री प्रायमरी, प्रायमरी, सेकंडरी स्कूल मातृमंदीर या शाळांमध्ये विद्यार्थ्यांचे स्वागत औक्षण करून करण्यात आले. पपेट शो, नृत्य, गाणी, गोष्टी, बैठ्या खेळाचे आयोजन करण्यात आले होते. सेकंडरी शाळेतील विद्याथ्यांनी या वर्षी दोन ई सायकली तयार करण्याचा निर्धार केला. पर्यावरण राखण्यासाठी या वर्षी सवोतोपरी प्रचार व प्रसार करण्याचा निर्धार करण्यात आला.