पुणे – मुलींसाठी पुण्यात पहिली शाळा सुरू करून महिला शिक्षणाची मुहूर्तमेढ करणार्या सावित्रीबाई ङ्गुलेंच्या जयंतीनिमित्त डेक्कन एज्युकेशन सोसायटीच्या विविध शाळांतील तीन हजारहून अधिक विद्यार्थिनी सावित्रीबाईंना मानवंदना देणार आहेत.
बुधवारी, ३ जानेवारी रोजी सकाळी १० वाजता न्यू इंग्लिश स्कूल रमणबागच्या मैदानावर या कार्यक‘माचे आयोजन करण्यात आले असून, शिक्षण सह संचालिका डॉ. सुवर्णा खरात प्रमुख पाहुण्या म्हणून उपस्थित राहणार आहेत. डेक्कन एज्युकेशन सोसायटीच्या परिषद व नियामक मंडळाचे डॉ. शरद कुंटे कार्यक‘माचे अध्यक्षस्थान भूषविणार आहेत.
अहिल्यादेवी प्रशाला, मा. स. गोळवलकर गुरुजी विद्यालय, डीईएस इंग्लिश मीडियम स्कूल, नवीन मराठी शाळा, न्यू इंग्लिश मीडियम स्कूल या शाळांतील विद्यार्थिनी, शिक्षिका आणि माता पालक या कार्यक‘मासाठी उपस्थित राहणार आहेत.
जिजाऊ, सावित्रीबाई, अहिल्यादेवी, झाशीची राणी, रमाबाई, भगिनी निवेदिता, सरोजिनी नायडू, डॉ. आनंदी जोशी, मेरी क्युरी, इंदिरा गांधी, प्रतिभा पाटील यांच्या वेशभूषा करून विद्यार्थिनी स्त्री शक्तीचा सन्मान करणार आहेत. मैदानावर संचलन करून बॅण्ड पथकाद्वारे मानवंदना देण्यात येणार आहे. सोसायटीचे संचालक किरण शाळिग‘ाम यांच्या संकल्पनेतून हा उपक‘म आयोजित करण्यात आला आहे.