विरोधी पक्षनेत्यांकडून अशी अपेक्षा नव्हती
पुणे- बाणेर येथे आज उद्घाटन होणाऱ्या कोविड हॉस्पिटलचे उद्घाटन कालच स्थानिक नगरसेवकाने केल्याची बातमी खोडसाळ हेतूने राष्ट्रवादीचा कार्यकर्ता आहे असे सांगत अति हुशार समजनाऱ्या कोणी विरोधी पक्ष नेत्यांना सांगितली आणि नेत्यांनी हि कान भरवून घेत पोराच्या सांगण्याप्रमाणे राजकारण करत प्रेस रिलीज व्हाटसएप वरून प्रसिद्ध केले ,हा निव्वळ बालिश पणा आहे . उद्घाटन आजच भाजप आणि राष्ट्रवादी च्या नेत्यांच्या हस्ते ठरल्याप्रमाणे होत आहे , काल पसरवलेली ती बातमी खोटी दिशाभूल करणारी आणि उगाचच राजकीय फायदा घेऊन गोंधळ माजविणारी आहे असे स्पष्टीकरण भाजपचे नगरसेवक अमोल बालवडकर यांनी ‘माय मराठी’ला दिले आहे.
अगोदर महापौर आणि आम्ही येथे भेट देवून पाहणी केली होती त्यानंतर वास्तू पूर्ण होण्या अगोदर ,वा हे सेंटर पूर्ण होण्या अगोदर हाॅस्पिटलला काल प्रत्यक्ष भेट देवुन तेथील सोयी सुविधांची पाहणी केली व तसेच सर्व हाॅस्पिटल आता कार्यरत होवू शकेल कि नाही याची माहिती घेतली आणि माझ्या हस्ते त्याठिकाणी हॉस्पिटल चे सर्व काम निर्विघ्न व्हावे म्हणुन पुजा करण्यात आली व श्रीफळ फोडण्यात आले .यावेळी माझ्या समवेत, अतुल चोरडीया, शहर अभियंता .प्रशांत वाघमारे, युवराज देशमुख, कार्यकारी अभियंता वाईदंडे, सहा.आयुक्त जयदिप पवार, झोनल आयुक्त नितीन उदास, डाॅ.ढमाले व आदी उपस्थित होते.उद्घाटन आजच नेत्यांच्या हस्ते अनेक मान्यवरांच्या उपस्थितीत होईल असे बालवडकर यांनी स्पष्ट केले आहे . मी उद्घाटन करणार असतो तर अतुल चोरडिया आणि महापालिकेचे अधिकारी अशा ‘तथाकथित उद्घाटनाला उपस्थित राहिले असते काय ? उगाच प्रेस नोट काढण्याच्या बहाण्यात हा बालीशपणा आहे असे ते म्हणाले