पुणे- कोरोना च्या टेस्ट देवून चार दिवस झाले तरी अनेक नागरिकांना त्याचे रिपोर्ट अद्याप प्राप्त न झाल्याने राष्ट्रवादी च्या नगरसेविका अश्विनी कदम संतापल्या आहेत . त्या म्हणाल्या, नागरिक हतबल झालेत,पुणे मनपाच्या केंद्रांवर सोमवार दिनांक 24/8/2020 रोजी केलेल्या कोविड चाचणी चे रिपोर्ट चार दिवस झाले तरी आलेच नाहीत. त्यातील काहीं नागरिकांना त्रास होत आहे परंतु रिपोर्ट आला2 नसल्या मुळे उपचार कुठे घ्यावे आणि काय घ्यावे हेच काही कळेनासे झाले. शिवाय चार दिवस होम कोरंटाईन असल्यामुळे त्यांच्यासह इतर सर्व कुटुंबच वेठीस धरले गेलेले आहेत.
काही रुग्णांना त्रास वाढू लागल्यामुळे खाजगी हॉस्पिटलमध्ये जाऊन दाखल झालेले आहेत तेथे केलेले कोविडच्या चाचण्यांचे तातडीने त्याचे रिपोर्ट आलेले आहेत.त्यामुळे त्यांच्यावर योग्य ते उपचार होऊ शकले व त्यांचे प्राण वाचले. परंतु पुणे मनपाच्या धनकवडी सहकार नगर केंद्रावरील रिपोर्ट बाबतीत हा सगळा प्रकार घडत आहे. कदाचित संपूर्ण शहरांमध्ये असे घडलेले असेल. पुणे मनपा आरोग्य प्रमुखांनी तातडीने या प्रकरणांमध्ये लक्ष घालून नागरिकांची सुटका करावी. नाही तर आम्हाला कठोर पावले उचलावी लागतील.