सनातन संस्थेवर बंदी घाला…!
पुणे-सनातन संस्थेवर बंदी घालावी अशी मागणी संभाजी ब्रिगेड चे पुणे जिल्हाध्यक्ष संतोष शिंदे यांनी केली आहे .
यांसंदर्भात प्रसिद्धीस दिलेल्या पत्रकात त्यांनी म्हटले आहे कि ,सनातन संस्थेचा दहशतवादी वैभव राऊतच्या घरात देशी बॉम्ब चे साहित्य सापडले… सुधन्वा गोंधळेकर सह आज राज्यभरात त्यांचे बहुतेक सहकारी ATS ने पकडले. हे संशयीत असलेतरी दाभोळकर, पानसारे यांचे मारेकरी असल्याची १००% शक्यता आहे. हे हिंदूत्ववादी कार्यकर्ते असून यांच्याकडून राज्याला धोका आहे. यांच्या सनातन संस्था व शिवप्रतिष्ठान सारख्या दहशतवादी समाजविघातक संघटना सतत सामाजिक तेढ निर्माण करण्याचा प्रयत्न राज्यात करत असतात.
‘दहशतवादी असलातरी तो हिंदूत्ववादी कार्यकर्ता आहे… म्हणून आम्ही त्याला सर्वतोपरी मदत करू…?’ असे अॕड. पुनाळेकर यांनी जाहीर केले. हा देशद्रोही प्रकार आहे. म्हणून अॕड. पुनाळेकर यांना राज्य सरकारने अटक करावे… अशी संभाजी ब्रिगेड ची मागणी आहे. तसेच सनातन संस्था व शिवप्रतिष्ठान वर बंदी घातली पाहिजे…! यांचे मास्टरमाईंड शोधले पाहिजे.असे संतोष शिंदे यांनी म्हटले आहे .