संकलन अभियानात ६५६ किलो ई कचरा ४१ किलो ट्यूबलाईट कचरा व २५ किलो प्लास्टिक कचरा जमा….
पुणे-नगरसेविका मंजुश्री खर्डेकर यांनी प्रभाग क्रमांक १३ हा कचरा मुक्त करण्याच्या दृष्टीने विविध उपक्रम राबविण्याचा निर्धार केला असून त्या अंतर्गत प्रत्येक महिन्याच्या शेवटच्या रविवारी विविध सोसायट्यांमध्ये ई कचरा ,प्लास्टिक कचरा तसेच ट्यूबलाईट संकलन मोहीम राबविण्यात येते.कायमस्वरूपी चालणाऱ्या या मोहिमेस पुणे महानगरपालिका,श्री रिसायकलर्स,क्रिएटीव्ह फाउंडेशन ,वनराई,कमिन्स इंडिया व एम पी एम इ क्लीन गार्बेज यांचे सहकार्य लाभले या सर्व सामाजिक संस्थांच्या संयुक्त विद्यमाने सदर मोहीम राबविण्यात आली,एकूण ४० सोसायटीच्या सभासदांनी या उपक्रमात सहभागी होऊन तब्बल ६५६ किलो ई कचरा,४१ किलो ट्यूबलाईट व २५ किलो प्लास्टिक कचरा संकलनास सहायय केले.ई कचऱ्यामध्ये नागरिकांनी नादुरुस्त असलेले कम्प्युटर,की बोर्ड,मोबाईल ,चार्जर,सी डी,कॅसेट्स,टेलिफोन,इस्त्री,ओव् हन इ साहित्य दिले.या सर्व साहित्याच्या बदल्यात सोसायट्यांना एल ई डी ट्यूबलाईट फिटिंग व एल इ डी बल्ब मोफत देण्यात आले.
स्वच्छ भारत मिशन अंतर्गत नागरी सहभागातून पर्यावरणाच्या ऱ्हासाच्या गंभीर समस्येवर उपाययोजना करणे गरजेचे असल्याने याबाबत नागरिकांना ई कचऱ्यामुळे आपल्या भोवतीचे हवा पाणी प्रदूषित होत असल्याबद्दलची माहिती देण्यात आली व त्यामुळे नागरिकांनी उत्स्फूर्तपणे ई कचरा साठवून तो या संकलन मोहिमेत आमच्या संकलकांकडे सुपूर्द केल्याचे संयोजक नगरसेविका मंजुश्री खर्डेकर म्हणाल्या.या उपक्रमात पुणे कॉलेज ऑफ फार्मेसी चे प्रा रवींद्र कांबळे व त्यांच्या ५० विद्यार्थ्यांनी सहभाग घेतला व जनजागृती तसेच संकलन अभियान यशस्वी केल्याचे मनपा चे वरिष्ठ आरोग्य निरीक्षक दीपक ढेलवान यांनी सांगितले.दिवसभर चाललेल्या या मोहिमेत श्री रिसायकलर्स चे विनीत बियाणी, आरोग्य निरीक्षक किरण गुरव,राहुल शेळके,क्लीन गार्बेज चे ललित राठी,वनराई चे मुकुंद शिंदे,जनवाणीचे उमेश भाग्यवंत ,इ सक्रियरित्या सहभागी झाले होते.
नगरसेविका मंजुश्री खर्डेकर यांच्या हस्ते सोसायट्यांना मोफत एल इ डी ट्यूबलाईट फिटिंग व बल्ब भेट देण्यात आले तर दीपक ढेलवान यांनी जनजागृती व संकलन मोहिमेचे नेतृत्व केले.
सदर मोहीम दर महिन्याच्या शेवटच्या रविवारी कायमस्वरूपी राबविण्यात येणार असून नागरिकांची गरज आणि उत्स्फूर्त सहभाग पाहता लवकरच ही मोहीम संपूर्ण कोथरुथ मध्ये राबविण्याचा निर्धार क्रि एटीव्ह फाउंडेशन चे अध्यक्ष संदीप खर्डेकर यांनी व्यक्त केला.