सूत्रसंचालक, डान्सर आणि अभिनेत्री अशी तिहेरी रूपं अत्यंत सहजरित्या हाताळणाऱ्या पूर्वी भावेला
सगळेच ओळखतात. लहानपणापासूनच कलाक्षेत्रात काहीतरी करून दाखवायची जिद्द असणाऱ्या
पूर्वीने या क्षेत्रात स्वतःची वेगळी अशी ओळख निर्माण केली आहे. ती सूत्रसंचालन आणि अनेक
नाटकांमध्ये काम करून उत्तम कलाकार म्हणून नावारूपास आली. भरतनाट्यम संपूर्णपणे
आत्मसात करून ती एक उत्तम डान्सर आहे हे हि तिने दाखवून दिलं आहे. डॉ. संध्या पुरेचा ह्या
तिच्या गुरु आहेत. भरतनाट्यमच संपूर्ण शिक्षण तिने तिच्या गुरूंकडून घेतलं. विशेष म्हणजे
त्यातील एक विशिष्ट नृत्य प्रकार असलेले मार्गम ह्याचे धडे तिने घेतले. नुकतंच मार्गम
लोकांपर्यंत पोहचावा आणि ते नक्की काय आहे हे लोकांना कळावं म्हणून एक कार्यक्रम
आयोजित केला होता ज्यात पूर्वीने हे मार्गम नृत्य करून लोकांना त्याचे वैशीष्ट्य आणि त्यातील
विविधता समजवून दिली. सध्याचा काळात सगळेच पाश्चिमात्य डान्सकडे वळत असताना पूर्वीने
मात्र आपल्या मातृभूमीतील नृत्य स्वीकारण्याचा निर्णय घेऊन आजच्या युवा पिढी समोर एक
आदर्श मांडला आहे. तिच्या मते आपल्या देशात विविध नृत्य प्रकार आहेत जे आपणच
जोपासायला हवे. मार्गम या पूर्वीच्या नृत्याविष्कारमुळे तिचा हा वेगळा पैलू देखील प्रेक्षकांसमोर
आला आणि प्रेक्षकांना ती सूत्रसंचालक, अभिनेत्री इतकीच एक नृत्यांगणा म्हणून देखील भावली
यात शंकाच नाही.