पुणे फेस्टिवलमध्ये उर्जायुक्त कथक बॅलेला रसिकांची भरभरून दाद कृष्ण संकीर्तनातून श्रीकृष्णाच्या जीवनाचे दर्शन
पुणे :
28 व्या ‘पुणे फेस्टिवल’मध्ये शिव ओम ‘कथक बॅले’ चे सादरीकरण करण्यात आले. सोमवारी यास्मिन सिंग -रायपूर व सहकारी यांनी सादर केलेल्या अत्यंत उर्जायुक्त या ‘कथक बॅले’ला रसिकांनी भरभरून साथ दिली. यशवंतराव चव्हाण नाट्यगृह, कोथरूड येथे हा कार्यक्रम सादर करण्यात आला.
दिवसाच्या दुसर्या सत्रामध्ये श्री कृष्णाच्या जीवनावर आधारित ‘कृष्ण संकीर्तन’ हा कथक नृत्याविष्कार ऋजुता सोमण आणि त्यांच्या सहकार्यांनी सादर केला.
श्रीकृष्णाच्या लीला सर्वांना परिचित आहेतच. त्यांच्या जीवनातील प्रसंग कथक नृत्याविष्काराने सादर करण्यात आले. ऋजुता सोमण आणि त्यांच्या सहकार्यांनी श्री कृष्णाचे जीवन प्रसंग सादर करून टाळ्यांच्या कडकडाटाने रसिकांची दाद मिळविली. या कार्यक्रमाचे संयोजन अतुल गोंजारी, नरेंद्र काते आणि रविंद्र दुर्वे यांनी केले. रविंद्र दुर्वे आणि सहकार्यांनी कलाकारांचा सत्कार केला.