पुणे ग्रामीण एलसीबी पथकाची कामगिरी
पुणे जिल्हयाचे पोलीस अधीक्षक डॉ.अभिनव देशमुख यांनी पुणे जिल्हयात कोरोना उपचारासाठी वापरण्यात येणारे रेमिडीसिव्हर इंजेक्शनची काळया बाजाराने शासनाने ठरवून दिलेल्या किंमतीपेक्षा जास्त किंमतीने विक्री होत असल्याची माहिती काढून कारवाई करणेबाबत स्थानिक गुन्हे शाखेचे पोलीस निरीक्षक पद्माकर घनवट यांना आदेश दिलेले होते. त्याप्रमाणे स्थानिक गुन्हे शाखेची प्रत्येक विभागात पथके नेमण्यात आलेली होती.
त्यानुसार पुणे ग्रामीण स्थानिक गुन्हे शाखेचे पुणे-सोलापूर रोड पथकाने दौंड येथे व नाशिक रोड येथील पथकाने वारुळवाडी नारायणगाव अशा दोन ठिकाणी छापे टाकून रेमिडीसिव्हर इंजेक्शनची काळया बाजाराने विक्री करणारे तिघे आरोपींना ताब्यात घेवून त्यांचेकडून एकूण ६ रेमिडीसिव्हर इंजेक्शन, दुचाकी गाडी व इतर मुद्देमाल असा एकूण किंमत रुपये १,१९,७६९/- (सुमारे एक लाख एकोनीस हजार) चा माल जप्त केलेला आहे. सदर आरोपी हे रेमिडीसिव्हर इंजेक्शनची ३२ हजार ते ४५ हजार रुपयांना विक्री करत असल्याचे निष्पन्न झाले आहे.
दौंड गावचे हध्दीत हुतात्मा चौक, गणपती मंदिरासमोर ता.दौंड जि.पुणे येथे आरोपी नामे १)अक्षय राजेश सोनवणे वय २४ वर्षे रा.गांधी चौक, विठ्ठल मंदिराचे मागे, दौंड ता.दौंड जि.पुणे २)सुरज संजय साबळे वय २३ वर्षे रा.शालिमार चौक, स्वामी समर्थ मंदिराचे मागे, दौंड ता.दौंड जि.पुणे हे दोघेजण रेमिडीसिव्हर इंजेक्शन प्रत्येकी ३२,०००/- रुपयाला एक याप्रमाणे विक्री करीत असताना मिळून आले. त्यांचे ताब्यातून ३ रेमिडीसिव्हर इंजेक्शन कि.रु.७,८७९/-, दोन मोबाईल कि.रु.२०,०००/- व होंडा ॲक्टीव्हा दुचाकी किं.रु.७०,०००/- असा एकूण ९७,८७९/- रु.चा माल जप्त करण्यात आलेला आहे.
नारायणगावजवळील वारुळवाडी ता.जुन्नर येथे राजाराम सबनिस विदयालयासमोर ता.जुन्नर जि.पुणे येथे इसम नामे रोहन शेखर गणेशकर वय २९ वर्षे रा.वाणेवाडी पो.आपटाळे ता.जुन्नर जि.पुणे येथे ३ रेमिडीसिव्हर इंजेक्शन प्रत्येकी ४५,०००/- रुपयाला एक याप्रमाणे विक्री करीत असताना मिळून आले. त्यांचे ताब्यातून ३ रेमिडीसिव्हर इंजेक्शन कि.रु.११,८९०/- व मोबाईल कि.रु.१०,०००/- सह एकूण २१,८९०/- रुपयाचा माल जप्त करण्यात आलेला आहे.
कोविड-१९ या साथीच्या आजाराचे औषध म्हणून वापरण्यात येणारे रेमिडीसिव्हर इंजेक्शन बेकायदेशिररित्या, अवैध व गैरमार्गाने मिळवून ते काळया बाजाराने स्वतःचे अर्थिक फायदयासाठी कोणताही परवाना नसताना विक्री करणेसाठी जवळ बाळगून औषध विक्रेते नसतानाही खुल्या बाजारात उपलब्ध असलेल्या उत्पादकाने ठरविलेल्या एम.आर.पी. किंमती पेक्षा जास्त चढया बाजाराने विक्री करताना व विकत घेताना मिळून आलेने दोघे आरोपींवर दौंड पोलीस स्टेशनला व एका आरोपीवर नारायणगाव पोलीस स्टेशनला औषध किंमत नियंत्रण आदेश २०१३ कलम ३(२)(सी), जिवनाश्यक वस्तु अधिनियम १९५५ चे कलम ७(१)(ए)(ii), औषधे व सौंदर्य प्रसाधन कायदा १९४० चे कलम १८(सी), २७(बी)(ii), २८, २२(१)(cca), २२(३) प्रमाणे गुन्हे दाखल करण्यात आलेले आहेत.
सदरची कामगिरी ही पोलीस अधीक्षक डाॅ.अभिनव देशमुख, पुणे विभागाचे अपर पोलीस अधीक्षक श्री.विवेक पाटील, बारामती विभागाचे अपर पोलीस अधीक्षक श्री.मिलींद मोहिते यांचे मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक पद्माकर घनवट,सहा.पोलीस निरीक्षक सचिन काळे,
पोलीस उपनिरीक्षक अमोल गोरे,
सहा.पोलीस उपनिरीक्षक शब्बीर पठाण, महेश गायकवाड, निलेश कदम, सचिन गायकवाड, सुभाष राऊत, गुरु गायकवाड, मुकेश कदम, दत्ता तांबे, सागर चंद्रशेखर, काशिनाथ राजापुरे, दगडू विरकर यांनी केलेली आहे.