पुणे :
‘अ वर्ल्ड इन मोशन पुणे ऑलिंपिक 2017’ मध्ये झालेल्या ‘स्किमर मेकिंग’ आणि ‘जेट टॉय मेकिंग’ स्पर्धेमध्ये मदर तेरेसा हायस्कूल, खराडी विजयी झाले. डॉ. दिलीप मालखेडे (सल्लागार, ऑल इंडिया कौन्सिल फॉर टेक्निकल एज्युकेशन, दिल्ली) यांच्या हस्ते विजेत्यांना पारितोषिके देण्यात आली.
‘एसएई इंडिया’ (सोसायटी ऑफ ऑटोमोटिव्ह इंजिनिअर्स), एआरएआय (ऑटोमोटिव्ह रिसर्च असोसिएशन ऑफ इंडिया), ‘इटॉन टेक्नॉलॉजी’, ‘जॉन डियर’, ‘अल्टिर’ आणि आणि व्हिजीए डिजीटल प्रिंटर्स प्रा. लि. यांच्या संयुक्त विद्यमाने पुण्यातील विद्यार्थ्यांसाठी वाहनांची छोटी मॉडेल्स तयार करण्याची ‘अ वर्ल्ड इन मोशन पुणे ऑलिंपिक 2017’चे आयोजन करण्यात आले होते.
पारितोषिक वितरण समारंभप्रसंगी डॉ. के. सी. व्होरा (उपाध्यक्ष, एसएई इंडिया), रमेश पसारिज, विनय दामोदरे, रोहित सादलगे, डॉ. िंव्ह.ए.पंखावाला, ट्रॉयडेन डीक्रूझ, विद्या पीलाई, गजेंद्र जगताप, एन.पी.वाघ, विवेक पाटील आदी मान्यवर उपस्थित होते.
स्पर्धेचे हे दहावे वर्ष होते. ‘अ वर्ल्ड इन मोशन पुणे ऑलिंपिक 2017’ एस.एन.बी.पी इंटरनॅशनल स्कूल रहाटणी, पिंपरी चिंचवड येथे ही स्पर्धा आयोजित करण्यात आली होती. 16 शाळांमधून 42 संघ या स्पर्धेमध्ये सहभागी झाले होते.
इयत्ता पाचवीसाठी घेण्यात आलेल्या स्किमर मेकिंग स्पर्धेमध्ये एनबीपी वर्ल्ड स्कूल ने उपविजेते पद पटकाविले. स्पर्धेच्या इतर विविध प्रकारांमध्ये डिस्टंस -एनबीपी वर्ल्ड स्कूल, वेट -रामचंद्र गायकवाड माध्यमिक विद्यालय (दिघी), अक्युरसी-जय मल्हार हायस्कूल (जांबूत), स्पीड टेस्ट- पंडित आगाशे स्कूल (लॉ कॉलेज रोड), टर्न अॅबिलिटी – मिलेनियम नॅशनल स्कूल, कर्वेनगर (पुणे) तर प्रेझेंटेशन मध्ये एस.एन.बी.पी इंटरनॅशनल स्कूल अॅण्ड ज्युनिअर कॉलेज (रहाटणी), डिसिप्लीन-झेड पी एच स्कूल(लोहगाव), क्लिन्लीनेससाठी न्यू इंग्लिश स्कूल (ससाणेनगर) यांना पारितोषिक मिळाले.
इयत्ता सहावीसाठी घेण्यात आलेल्या जेट टॉय मेकिंग स्पर्धेमध्ये ‘पंडितराव आगाशे स्कूल’ ला उपविजेतेपद मिळाले, डिस्टंन्स-मदर तेरेसा हायस्कूल, (खराडी) आणि न्यू इंग्लिश स्कूल (ससाणेनगर), वेट – मदर तेरेसा हायस्कूल, (खराडी), अॅक्यूरसी-श्रीराम विद्या मंदीर (भोसरी) आणि मोलदिना स्कूल, स्पीड – एस बी पाटील पब्लिक स्कूल (रावेत), मॅक्झिमम टाईम ट्रॅव्हल-पंडितराव आगाशे स्कूल यांना पारितोषिक देण्यात आले.
पुणे ऑलिंपिक स्पर्धेतील विजेते अ वर्ल्ड इन मोशन राष्ट्रीय ऑलिम्पिक स्पर्धेसाठी पाठविले जाणार आहेत. ही स्पर्धा जानेवारी महिन्यात 20 ते 22 रोजी बाालेवाडी, पुणे येथे होणार आहे.