पुणे – पुणे महानगर प्रदेश विकास प्राधिकरणा (पीएमआरडीए) कडून पायाभूत सोईसुविधा
निर्माण करण्याकरीता विविध प्रकल्प हाती घेण्यात आले आहेत. या विविध प्रकल्पांच्या अंमलबजावणीकरिता
निधी उभारणीचा स्त्रोत म्हणून प्राधिकरणाच्या जमीन संचयातील सुविधा भूखंड ई-लिलाव (E-
auction)पद्धतीने दीर्घ मुदतीच्या भाडेपट्ट्याने खाजगी विकसकांना देण्यासाठी पीएमआरडीए कार्यालयाकडून
भूखंडाचे जाहीर ई-लिलावाची प्रक्रिया केली जात आहे. या ई-लिलाव प्रक्रियेद्वारे माण, बावधन बुद्रूक अशा २
गावांमधील एकूण ४ सुविधा भूखंडाची लिलाव प्रक्रिया पार पाडण्यात येत आहे.
सदर भूखंडाचा वापर त्याच्या अनुज्ञेय (Permission Uses) वापरासाठी आरक्षित करण्यात आलेला आहे.
त्यामध्ये ई-लिलाव प्रक्रियेद्वारे सदरच्या गावांमध्ये शाळा, दवाखाने, क्रीडांगण, व्यायामशाळा, पोस्ट कार्यालय,
पार्किंग, कचरा व्यवस्थापन, जलशुद्धीकरण केंद्र व इतर सुविधा निर्माण करण्यासाठी जास्तीत जास्त
नागरिकांनी सहभागी व्हावे, असे याद्वारे आवाहन पीएमआरडीएच्या करण्यात येत आहे. ई-लिलाव पद्धतीत
समाविष्ट भूखंडाची किंमत व इतर सर्व सविस्तर माहिती पीएमआरडीएच्या वेबसाईट
https://pmrda.auctiontiger.net वर प्रसिद्ध करण्यात आली आहे. सदर वेबसाईटवर निविदाधारक
यांच्यासाठी दि.१९ नोव्हेंबर २०१८ पासून नोंदणी करण्याची सुविधा उपलब्ध करून देण्यात आली आहे व
सदरच्या निविदा सादर करण्यास दि.२८ नोव्हेंबर २०१८ पर्यंत कागदपत्रे व शुल्क भरण्यासाठी मुदत देण्यात
आलेली आहे.
निविदेबाबत शंकेचे निरसन करणेसाठी बैठक दि. २० नोव्हेंबर २०१८ रोजी दुपारी ४ वाजता पीएमआरडीए,
आकुर्डी कार्यालयामध्ये आयोजित करण्यात आली. सदर निविदेची ई-लिलाव प्रक्रिया (Live e-Auction)
दि. ४ डिसेंबर २०१८ रोजी सकाळी ११:०० ते सायकाळी ५:०० वा. पर्यंत करण्यात येणार आहे. तरी
https:pmrda.auctiontiger.net या वेबसाईट द्वारे ई-लिलाव पद्धतीमध्ये समाविष्ट भूखंडाची किंमत व इतर
सर्व सविस्तर माहिती उपलब्ध आहे.
उपरोक्त नमूद सुविधा भूखंड अनुज्ञेय (Permission Uses)वापरासाठी ई-लिलाव पद्धतीने दीर्घ मुदतीच्या
भाडेपट्ट्याने दिले जातील. सदर सुविधा भूखंडाच्या वापरामुळे संबंधित गावांचा जलद विकास होण्यास मदत
होईल व पायाभूत सोईसुविधा निर्माण होण्यास मदत होईल. ई-लिलावामध्ये सहभागी होण्यास नागरिकांना
आवाहन करणेत येत आहे, असे महानगर आयुक्त किरण गित्ते यांनी सांगितले आहे.
