- एएसजीचा सीएसआर उपक्रम
पुणे: एएसजी हॉस्पिटल लिमिटेडने सणासुदीच्या कालावधीत मुलांच्या डोळ्यांच्या सुरक्षेसाठी ‘सुरक्षित डोळे, सुरक्षित दिवाळी’ ही एक विशेष मोहीम सुरू केली आहे. कंपनीच्या या कॉर्पोरेट सोशल रिस्पॉन्सिबिलिटी उपक्रमांतर्गत, फटाक्यांमुळे डोळ्यांना दुखापत झालेल्या १५ वर्षांखालील मुलांवर एएसजी आय हॉस्पिटलमध्ये मोफत उपचार केले जातील. हा उपक्रम ४ नोव्हेंबर २०२६ ते १४ नोव्हेंबर २०२६ या कालावधीत पुणे आणि पिंपरी-चिंचवड सहित भारतातील ९५ हून अधिक शहरांमधील २०० हून अधिक एएसजी आय हॉस्पिटल केंद्रांवर राबवला जाणार आहे. पुण्यातील एएसजी हॉस्पिटलचे डॉ. हेमंत कांबळे, डॉ. आकाश यादव, डॉ. अनुप सदाफळे, डॉ. पियुष जैन, डॉ. निकिता सोनावणे तसेच पिंपरी चिंचवड एएसजी हॉस्पिटलचे डॉ. भूपेश जैन, डॉ. कौस्तुभ देशमुख, डॉ. कुलहर्ष जैस्वाल, डॉ. महिमा बनकर हे यंदाच्या दिवाळीनिमित्तच्या या उपक्रमात सहभागी असणार आहेत.
या मोहिमेचा संदेश अगदी साधा पण महत्त्वाचा आहे – सण जबाबदारीने साजरा करा आणि प्रत्येक मुलाच्या डोळ्यांमधील चमक सुरक्षित ठेवा. या उपक्रमांतर्गत केल्या जाणाऱ्या उपचारांमध्ये प्रथमोपचार, डोळ्यांशी संबंधित आपत्कालीन काळजी, औषधोपचार आणि जिथे आवश्यकता असेल तिथे शस्त्रक्रियेचा समावेश असेल. चष्म्यासारखी ऑप्टिकल उत्पादने यामध्ये समाविष्ट नाहीत, तसेच नियम व अटी लागू राहतील. कुटुंबियांना योग्य मार्गदर्शनासाठी आणि जवळच्या सहभागी केंद्राची माहिती मिळवण्यासाठी १८०० १२११ ८०४ या विशेष हेल्पलाइन नंबरवर कॉल करता येईल.
दरवर्षी दिवाळीत फटाक्यांमुळे डोळ्यांना दुखापत होण्याच्या घटनांमध्ये वाढ होते आणि यामध्ये लहान मुलांचे प्रमाण खूप मोठे असते. कॉर्निया आणि डोळ्याच्या समोरील इतर भागांना दुखापत होण्याच्या घटना सर्वात जास्त असतात. नेत्रतज्ञांकडून वेळीच उपचार न मिळाल्यास यातील काही दुखापतींमुळे दृष्टीचे कायमचे नुकसान होऊ शकते. दुखापत झाल्यानंतरचे पहिले काही तास डोळा किती चांगल्या प्रकारे बरा होऊ शकतो हे ठरवतात. गेल्या वर्षी दिवाळी दरम्यान, एएसजी केंद्रांवर फटाक्यांमुळे डोळ्यांना दुखापत झालेल्या ५०० हून अधिक मुलांवर उपचार करण्यात आले होते.
पुण्याच्या एएसजी हॉस्पिटलचे डॉ. हेमंत कांबळे म्हणाले: “दिवाळी हा असा सण आहे ज्याची मुले वर्षभर वाट पाहतात. फटाक्याच्या जवळ घालवलेले काही सेकंद मुलाच्या डोळ्यांची दृष्टी हिरावून घेणारे ठरू नयेत. साध्या सावधगिरीच्या उपायांनी आणि प्रौढांच्या कडक देखरेखीखाली यातील बहुतांश दुखापती टाळल्या जाऊ शकतात. जर दुखापत झालीच, तर वेळ अत्यंत महत्त्वाची असते आणि मुलाला त्वरित नेत्रतज्ञांकडे नेले पाहिजे. ‘सुरक्षित डोळे, सुरक्षित दिवाळी’ या मोहिमेद्वारे आम्हाला सर्व कुटुंबांनी सण सुरक्षितपणे साजरा करावा आणि जखमी मुलांना कोणत्याही विलंबाशिवाय तज्ञ डॉक्टरांचे उपचार मिळतील हे सुनिश्चित करायचे आहे.”
पिंपरी चिंचवडच्या एएसजी आय हॉस्पिटलचे डॉ. भूपेश जैन म्हणाले: “मुलांच्या डोळ्यांना फटाक्यांमुळे होणाऱ्या बहुतेक दुखापती टाळता येऊ शकतात. मात्र, अशी एखादी दुर्दैवी घटना घडल्यास, मुलांना किती लवकर तज्ज्ञ डॉक्टरांकडे नेले जाते, हे अत्यंत महत्त्वाचे असते. सणासुदीच्या या व्यस्त काळात, देशभरातील आमची केंद्रे डोळ्यांच्या दुखापतींवर उपचार करण्यासाठी पूर्णपणे सज्ज आहेत. आम्ही पालकांना विनंती करतो की, त्यांनी घरगुती उपाय करण्याऐवजी, मुलाच्या डोळ्याला दुखापत झाल्यास त्वरित आमच्या हेल्पलाइनशी संपर्क साधावा.”
एएसजी आय हॉस्पिटल कुटुंबांना सावधगिरीच्या पाच सोप्या उपायांचे पालन करण्याचा सल्ला देते:
१. सुरक्षित अंतर ठेवा: फटाके हाताच्या पूर्ण अंतरावरून पेटवा, यासाठी लांब अगरबत्तीचा वापर करणे अधिक योग्य ठरेल, आणि फटाका पेटवल्यानंतर लगेचच मागे सरका.
२. चष्मा वापरा: लहान मुलांनी आणि फटाके पेटवणाऱ्या प्रौढ व्यक्तींनी सुरक्षा चष्मा (आयवेअर) नक्कीच घातला पाहिजे.
३. मुलांवर देखरेख ठेवा: मुलांनी केवळ प्रौढांच्या देखरेखीखालीच फटाके वाजवले पाहिजेत.
४. फटाक्यांवर कधीही झुकू नका: फटाका पेटवताना त्याच्यावर पुढे झुकू नका आणि न वाजलेल्या (फसलेल्या) फटाक्याजवळ कधीही परत जाऊ नका.
५. जखमी डोळा कधीही चोळू नका: डोळा चोळल्यामुळे फटाक्यांचे बारीक कण आत खोलवर जाऊ शकतात आणि दुखापत अधिक वाढू शकते.
दुखापत झाल्यास, मुलांना शांत ठेवा आणि दोन्ही डोळे शक्य तितके स्थिर ठेवण्याचा प्रयत्न करा. डोळा चोळू नका किंवा दाबू नका आणि त्यात अडकलेली कोणतीही गोष्ट स्वतः काढण्याचा प्रयत्न करू नका. डोळ्यावर पाण्याचा तीव्र झोत मारून तो धुवू नका, तसेच काजळ, मलम, ड्रॉप्स किंवा कोणताही घरगुती उपाय करू नका. डोळ्यावर कोणताही दाब न पडू देता तो एखाद्या स्वच्छ कव्हरने हलकेच झाका, जसे की पेपर कपचा खालचा भाग. ताबडतोब १८०० १२११ ८०४ या हेल्पलाइन नंबरवर कॉल करा आणि मुलांना तातडीने जवळच्या एएसजी आय हॉस्पिटल केंद्रात किंवा आय इमर्जन्सी सेवेमध्ये घेऊन जा. तज्ञ डॉक्टरांकडून वेळेत मिळालेले उपचार डोळा पूर्णपणे बरा करू शकतात आणि दृष्टी कायमची जाण्यापासून वाचवू शकतात.
