शून्य लॉगइन फी आणि ₹५० लाखांपर्यंत तात्काळ कर्ज मंजुरीची लाँच ऑफर
तळेगाव, : आदित्य बिर्ला हाऊसिंग फायनान्स लिमिटेडने महाराष्ट्रातील आपली उपस्थिती आणखी मजबूत करत तळेगाव येथे नवी शाखा सुरू केली आहे. या शाखेसह कंपनीचे महाराष्ट्रातील नेटवर्क आता ४१ शाखांपर्यंत पोहोचले आहे.
पुणे-मुंबई कॉरिडॉरवरील तळेगावचे मोक्याचे स्थान, तसेच चाकण, पिंपरी-चिंचवड आणि हिंजवडी या औद्योगिक व रोजगार केंद्रांशी असलेली जवळीक लक्षात घेता या भागातील गृहनिर्माण बाजारपेठ सातत्याने विस्तारत आहे. तळेगाव दाभाडे, सोमाटणे, वडगाव आणि आंबी परिसरात घरांच्या मागणीत वाढ होत असून पहिल्यांदा घर खरेदी करणारे ग्राहक, नोकरदार आणि कुटुंबे यांच्यात परवडणाऱ्या गृहकर्जांची मागणी वाढत असल्याचे कंपनीने म्हटले आहे.
नव्या शाखेद्वारे ग्राहकांना घर खरेदी, बांधकाम, नूतनीकरण तसेच मालमत्तेवर कर्ज अशा विविध प्रकारच्या वित्तीय सुविधा उपलब्ध करून दिल्या जाणार आहेत. आदित्य बिर्ला हाऊसिंग फायनान्स परवडणारी घरे, प्राईम हाऊसिंग, कन्स्ट्रक्शन फायनान्स आणि लोन अगेंस्ट प्रॉपर्टी अशा विविध श्रेणींमध्ये कर्ज सुविधा उपलब्ध करून देते.
लाँच ऑफरमध्ये शून्य लॉगइन फी
तळेगाव शाखेच्या शुभारंभानिमित्त कंपनीने शून्य लॉगइन फी आणि ₹५० लाखांपर्यंत स्पॉट लोन सॅंक्शन अशी विशेष ऑफर जाहीर केली आहे. ही ऑफर १७ सप्टेंबर ते १७ ऑक्टोबर २०२६ या कालावधीत वैध राहणार आहे.
कंपनीच्या म्हणण्यानुसार, या ऑफरमुळे पात्र ग्राहकांना कर्ज प्रक्रियेत अधिक वेग आणि सुरुवातीच्या खर्चात काही प्रमाणात बचत होऊ शकते.
आदित्य बिर्ला हाऊसिंग फायनान्स लिमिटेडचे एमडी आणि सीईओ पंकज गाडगीळ यांनी सांगितले की, महाराष्ट्र ही कंपनीसाठी महत्त्वाची बाजारपेठ असून वाढती मागणी आणि ग्राहकांच्या आकांक्षा लक्षात घेता प्रादेशिक उपस्थिती वाढविण्यावर भर दिला जात आहे.
ते म्हणाले की, वाढत्या शाखा नेटवर्कला डिजिटल क्षमतेची जोड देऊन ग्राहकांसाठी घर खरेदी आणि कर्ज प्रक्रिया अधिक सोपी, जलद आणि पारदर्शक करण्याचा कंपनीचा प्रयत्न आहे.
‘हॅपी होम लोन जर्नी’ या संकल्पनेअंतर्गत ग्राहक-केंद्रित सेवा, जबाबदार कर्जवाटप आणि आर्थिक समावेशनाला गती देण्यावर कंपनीचा भर राहणार असल्याचेही नमूद करण्यात आले आहे.
