५ फंड्स आणि ४ गुंतवणूक धोरणांचे पर्याय; निवृत्तीसाठी स्वतंत्र निधी उभारण्यावर भर
मुंबई, : आदित्य बिर्ला सन लाईफ इन्शुरन्स कंपनी लिमिटेडने ‘ABSLI Smart Wealth Pension Plan’ हा नवीन युनिट-लिंक्ड, नॉन-पार्टिसिपेटिंग वैयक्तिक जीवन विमा पेन्शन प्लॅन लाँच केला आहे. ग्राहकांना निवृत्तीसाठी स्वतंत्र निधी उभारता यावा आणि निवृत्तीनंतर अॅन्युइटीच्या माध्यमातून नियमित उत्पन्नाची व्यवस्था करता यावी, या उद्देशाने हा प्लॅन तयार करण्यात आल्याचे कंपनीने म्हटले आहे.
या योजनेत ग्राहकांना त्यांच्या जोखीम क्षमतेनुसार आणि निवृत्तीच्या उद्दिष्टांनुसार ५ वेगवेगळ्या फंड्स आणि ४ गुंतवणूक धोरणांमधून निवड करता येणार आहे. तसेच Advantage, Prime आणि Elite असे तीन प्लॅन पर्याय उपलब्ध करून देण्यात आले आहेत.
योजनेत Single Life आणि Joint Life असे पर्यायही आहेत. Joint Life पर्यायात एका विमाधारकाचा मृत्यू झाल्यास ‘Waiver of Premium’ची सुविधा उपलब्ध असल्याचे कंपनीने सांगितले आहे. त्यामुळे उर्वरित कालावधीतील निवृत्ती नियोजन सुरू ठेवण्यास मदत होईल.
महिला ग्राहकांच्या आर्थिक नियोजनाच्या गरजा लक्षात घेऊन या प्लॅनमध्ये पुरुष पॉलिसीधारकांच्या तुलनेत महिला पॉलिसीधारकांना अतिरिक्त लाभ देण्यात येणार असल्याचेही कंपनीने नमूद केले आहे.
फंड व्हॅल्यू वाढविण्यासाठी विविध लाभ
कंपनीच्या माहितीनुसार, या योजनेत पॉलिसी कालावधीत प्रीमियम वाटप शुल्काच्या ६०० टक्क्यांपर्यंतची रक्कम फंड व्हॅल्यूमध्ये परत, सहाव्या पॉलिसी वर्षापासून वार्षिक लॉयल्टी अॅडिशन्स आणि व्हेस्टिंगच्या वेळी सरासरी फंड व्हॅल्यूच्या १ टक्क्यांपर्यंत अॅन्युइटी बूस्टर अशा सुविधा देण्यात आल्या आहेत.
आदित्य बिर्ला सन लाईफ इन्शुरन्सचे एमडी आणि सीईओ कमलेश राव यांनी सांगितले की, निवृत्तीनंतर आर्थिक स्वातंत्र्य कायम ठेवण्यासाठी सुरुवातीपासून नियोजन करणे आवश्यक आहे. ग्राहकांना त्यांच्या भविष्यातील गरजांनुसार निवृत्ती निधी उभारण्यासाठी लवचिकता, गुंतवणुकीचे पर्याय आणि दीर्घकालीन लाभ देण्याचा या योजनेमागचा उद्देश असल्याचे त्यांनी म्हटले.
मॅच्युरिटीच्या वेळी लागू नियमांच्या अधीन राहून ग्राहकांना एकूण निधीपैकी ६० टक्क्यांपर्यंत रक्कम काढण्याची तरतूद आहे, तर उर्वरित निधी अॅन्युइटी खरेदीसाठी वापरता येणार आहे.
हा प्लॅन १८ ते ७५ वर्षे वयोगटातील ग्राहकांसाठी उपलब्ध असून कंपनीच्या देशभरातील वितरण नेटवर्क तसेच ऑनलाइन माध्यमातून तो घेता येणार आहे.
