नवीन 100शहरांमध्ये विस्तार आणि ऑनलाइन व्यवसायातील दमदार वाढ यामुळे आर्थिक वर्ष 2026 मधील कामगिरीला चालना ~
~ आउटडोअर फर्निचर श्रेणीत पदार्पण करत ट्युब्युलर रेंज सादर केली; तसेच गेमिंग फर्निचरचा समावेश करत उत्पादनांच्या श्रेणीचा विस्तार ~
मुंबई, 23 जून 2026: गोदरेज एंटरप्रायझेस समूहाचा अग्रगण्य फर्निचर ब्रँड असलेल्या इंटिरिओ बाय गोदरेजने आर्थिक वर्ष 2026 मध्ये 4,000 कोटी रुपयांची उलाढाल नोंदवली आहे; आर्थिक वर्ष 2025च्या तुलनेत ही वाढ 12% इतकी आहे. या वर्षात कंपनीने 100 नवीन शहरांमध्ये आपला विस्तार केला, तर एकूण व्यवसायात नवीन उत्पादनांच्या विक्रीचा (NPI) वाटा 22% एवढा होता.
किरकोळ विक्रीतील वाढ, बाजारपेठेची सखोल जाण, ऑनलाइन विक्रीतील वाढ आणि फर्निचरच्या नवीन श्रेणींची सुरुवात याच्या जोरावर, आर्थिक वर्ष 2027 मध्ये महसुलात 25% वाढ करण्याचे इंटिरिओ बाय गोदरेजचे नियोजन आहे. तसेच, उत्तर आणि पूर्व भारतात आपली उपस्थिती अधिक बळकट करण्यावर भर देत, आर्थिक वर्ष 2027मध्ये कंपनी 102 नवीन स्टोअर्स सुरू करण्याची योजना आखते आहे.
भविष्यातील कामगिरी आणि दृष्टिकोनाबद्दल इंटेरिओ बाय गोदरेजचे बिझनेस हेड आणि एक्झिक्युटिव्ह व्हाईस प्रेसिडेंट, स्वप्नील नगरकर म्हणाले, “भारतीय फर्निचर उद्योग उत्क्रांतीच्या एका नवीन टप्प्यात प्रवेश करतो आहे, जिथे ग्राहकांच्या अपेक्षा या केवळ कार्यक्षमतेपुरत्या मर्यादित नाहीत, तर त्या पलीकडे जाऊन डिझाइन, लवचिकता, तंत्रज्ञानाचे एकत्रीकरण आणि एकूणच सुखद अनुभवाशी संबंधित आहेत. 2031 पर्यंत भारतीय फर्निचर बाजारपेठ 45.52 अब्ज डॉलर्सपर्यंत वाढण्याची अपेक्षा आहे.[1] आजची आधुनिक भारतीय घरे अधिक जुळवून घेणारी, बहुकार्यक्षम आणि वैयक्तिक जीवनशैली सांगणारी आहेत. परिणामी, ग्राहक लूक, उपयोगिता, टिकाऊपणा आणि सोय या आधारावर फर्निचरचे मूल्यांकन करत आहेत.”
ते पुढे म्हणाले, “गुणवत्ता आणि अनुपालन मानकांमधील बदलांमुळे हे क्षेत्र अधिकाधिक वैविध्यपूर्ण आणि औपचारिक होत आहे; यामुळे ग्राहकांचा विश्वास दृढ होत असून संघटित ब्रँड्ससाठी दीर्घकालीन संधी निर्माण होत आहेत. आम्हाला विश्वास आहे की, या उद्योगातील वाढीचा पुढील टप्पा अशा ब्रँड्सद्वारे साधला जाईल जे मोठ्या प्रमाणावर कार्यक्षमता, रचना, उत्पादन क्षमता, तंत्रज्ञानाचा वापर आणि उत्तम फिजिकल रिटेल अनुभव यांचा प्रभावी मेळ घालू शकतील. घरांच्या रचनेत होत असलेल्या बदलांमुळे, ग्राहक आता बाल्कनी, टेरेस आणि मोकळ्या जागांकडे आपल्या राहत्या जागेचाच एक विस्तार म्हणून पाहात आहेत. याच दृष्टिकोनातून आम्ही ट्युब्युलर रेंजसह आउटडोअर फर्निचर श्रेणी आणि गेमिंग फर्निचर पोर्टफोलिओ विकसित केले आहेत; हे फर्निचर उपाय अत्यंत उपयुक्त, आधुनिक आणि आजच्या भारतीय जीवनशैलीशी सुसंगत आहेत.”
गेल्या तीन वर्षात इंटिरिओ बाय गोदरेजच्या ई-कॉमर्स व्यवसायात 14 पटीने वाढ झाली असून, आता कंपनीच्या एकूण फर्निचर व्यवसायात त्याचा वाटा 15% एवढा आहे. आर्थिक वर्ष 2026 मध्ये, कंपनीने आपले डिलिव्हरी आणि इन्स्टॉलेशनचे जाळे देशभरातील 1,200 पिन कोड्सवरून 20,000 हून अधिक पिन कोड्सपर्यंत नेले आणि सर्व राज्यांच्या राजधानीच्या शहरांमध्ये 24-तास डिलिव्हरी तसेच इन्स्टॉलेशन सेवा सुरू केली.
आपल्या नवीन उत्पादन नवोपक्रम धोरणाचा एक भाग म्हणून, इंटेरिओ बाय गोदरेजने आपल्या नवीन ट्युब्युलर रेंजच्या सादरीकरणासह आउटडोअर फर्निचर श्रेणीत प्रवेश केला आहे, तसेच गेमिंग फर्निचरच्या विशेष श्रेणीसह आपल्या पोर्टफोलिओचा विस्तारही केला आहे. आधुनिक भारतीय घरांचा विस्तार म्हणून बाल्कनी, टेरेस आणि घराबाहेरील जागांना मिळणाऱ्या पसंतीला प्रतिसाद देण्यासाठी ट्युब्युलर रेंजची रचना करण्यात आली आहे. ट्युब्युलर स्टीलच्या अनोख्या रचनांपासून प्रेरित होत, या संग्रहामध्ये हलक्या वजनाचे ॲल्युमिनियम रचना, हवामान-प्रतिरोधक साहित्य आणि एर्गोनॉमिक डिझाइन यांचा मिलाफ साधला आहे, जेणेकरून घराबाहेरील जीवनासाठी टिकाऊ, कार्यक्षम आणि सौंदर्यदृष्ट्या योग्य असे फर्निचर तयार होईल. ही श्रेणी अशा ग्राहकांसाठी आहे जे पाहुणचार, घराबाहेरील जागेचा योग्य वापर, बहुउद्देशीय वापर आणि समकालीन डिझाइनच्या अनुकूल फर्निचर पर्याय शोधत आहेत.
आर्थिक वर्ष 2026 मध्ये इंटरिओ बाय गोदरेजने पुरवठा साखळीमध्ये बदल, तंत्रज्ञान अद्ययावतीकरण आणि डिजिटल-फर्स्ट ग्राहक प्रतिबद्धता उपक्रमांद्वारे आपल्या ओम्नीचॅनल क्षमता अधिक मजबूत केल्या. यामध्ये रीब्रँडिंग उपक्रमांतर्गत टेक्नॉलॉजी स्टॅकचा संपूर्ण कायापालट, रिफ्रेश्ड UI आणि UX, तसेच ब्राउझिंगची सवय, ग्राहक संवाद, विक्री पद्धती आणि ऑफर्सच्या आधारावर अनुरूप फर्निचरच्या सूचना देणाऱ्या AI-आधारित उत्पादन शिफारस प्रणाली आदींचा समावेश होता.
12 महिन्यांपर्यंतच्या झीरो कॉस्ट EMI पर्यायांद्वारे, इंटरिओने जुन्या फर्निचरसाठी एक्सचेंज प्रोग्राम्स, विस्तारित वॉरंटी ऑफर्स, केवळ ऑनलाइन उपलब्ध उत्पादन श्रेणी आणि प्रमुख बँकिंग भागीदारांमार्फत विशेष ऑफर्सच्या माध्यमातून ग्राहकांसाठी परवडणाऱ्या योजनांचा विस्तार केला. किमतीबाबत संवेदनशील असलेल्या बाजारपेठांमध्ये विस्ताराला पाठिंबा देण्यासाठी, इंटरिओ बाय गोदरेज टियर 2 आणि टियर 3 ग्राहकांना लक्ष्य करून आपल्या इको उत्पादनांचा पोर्टफोलिओ अधिक मजबूत करत आहे.
