काँग्रेसचे नेते खा. राहुल गांधी व पुणे काँग्रेसच्या अध्यक्षा दीप्ती चवधरी यांचा वाढदिवस इंदिरा सार्वजनिक ग्रंथालयाच्या वतीने साजरा.

पुणे :-
काँग्रेस पक्षाचे नेते खा. राहुजी गांधी व पुणे काँग्रेस च्या अध्यक्षा दीप्ती चवधरी यांच्या वाढदिवस इंदिरा सार्वजनिक ग्रंथालयाच्या वतीने काँग्रेस भवन येथे साजरा करण्यात आला. यावेळी ग्रंथालयाच्या वतीने महात्मा ज्योतिबा फुले यांचे गौरव ग्रंथाच्या १०० प्रती ग्रंथालयाचे अध्यक्ष चंद्रशेखर कपोते यांनी भेट दिल्या व त्यानंतर केक कापण्यात आला.
यावेळी दीप्ती चवधरी म्हणाल्या की, “इंदिरा सार्वजनिक ग्रंथालय येथे विविध पुस्तके वाचण्यासाठी उपलब्ध आहेत. त्यामध्ये साहित्यिक, राजकीय आणि विचारवंत व महापुरुषांच्या जीवनातील पुस्तके वाचकांना वाचण्यासाठी सुविधा केली आहे. गेल्या तीन दशकांपासून ग्रंथालयाचा लाभ कार्यकर्ते व नागरिकांना होत आहे. ग्रंथालयाचे अध्यक्ष चंद्रशेखर कपोते यांनी अथक परिश्रम घेऊन या पुस्तकांचे संग्रह या ठिकाणी उपलब्ध करू दिले आहेत. आज त्यांच्या हस्ते पुष्पगुच्छ ऐवजी ग्रंथ भेट देवून माझा सत्कार होत आहे ही बाब माझ्यासाठी फार अभिमानाची आहे. इंदिरा सार्वजनिक ग्रंथालयाने असेच पुढेही सामान्य जनतेसाठी विविध पुस्तके व ग्रंथ उपलब्ध करून द्यावीत.”
यावेळी पूर्व विभागाचे अध्यक्ष प्रशांतदा जगताप हे उपस्थित होते. तसेच महाराष्ट्र प्रदेश काँग्रेस कमिटी प्रांतिक प्रतिनिधी रमेश अय्यर, राजाभाऊ कदम, सुरेश नांगरे, विक्रम शहाणे, नाना भेगडे, एम. एम. फुलगावकर, प्रफुल ढोबळे आदी उपस्थित होते.