पुणे शहर वाहतूक सुधारणा करण्याच्या अनुषंगाने पावसाळ्याच्या पार्श्वभूमीवर महापालिका अतिरिक्त आयुक्त ओमप्रकाश दिवटे यांनी बाणेर रात्यावरील हॉटेल ग्रीनपार्क ते विद्यापीठ चौक या दरम्यानच्या रस्त्यांची कामे, मेट्रोच्या कामाची पाहणी व समस्या संदर्भात आज दि.१२.०६.२०२६ रोजी सकाळी १०.३० वा. संयुक्त जागा पाहणी करण्यात आली.
आवश्यक सुधारणा करण्याचे अनुषंगाने चर्चा होऊन पुढीलप्रमाणे निर्देश दिले :
• पावसाळ्याचे दिवस सुरु होणार असल्याने विद्यापीठ चौक तसेच हॉटेल महाबळेश्वर येथे मागील पावसाचे वेळी पाणी निचरा न झाल्यामुळे नागरिकांना त्रासदायक परिस्थितीस सामोरे जावे लागले होते. त्यास अनुसरून विद्यापीठ चौकापासूनच्या संपूर्ण रस्त्यावर मोठया प्रमाणात येणाऱ्या पाण्याच्या निचरा होण्यासाठी ४ दिवसात PMRDA, मेट्रो मार्फत आवश्यक कार्यवाही करणेबाबत सूचना देण्यात आल्या.
• सिंध सोसायटी, नॅशनल सोसायटी समोर चालू असलेल्या मेट्रोच्या कामालगत राडारोडा पडून असल्याने वाहतुकीस अडथळा निर्माण होत आहे.
• हॉटेल ग्रीन पार्क ते पुणे मेट्रोच्या कामामुळे उदभवणाऱ्या विविध समस्या जसे कि, रस्त्यामध्ये डिव्हायडर आल्यामुळे वाहतुकीस अडथळा होणे, दोन पिलर मधील डिव्हायडर एका सरळ रेषेत नसणे, डिव्हायडर जवळील व खालील रस्ता सम पातळीत नसणे, मेट्रो स्टेशन खालील फुटपाथ नादुरुस्त असणे, रस्त्याची रुंदी कमी होणे, आयसर संस्थेसमोरील पावसाळी वाहिनी बंद असणे इत्यादी समस्यांबाबत PMRDA, मेट्रोच्या संबंधित अधिकाऱ्यांना तातडीने कामे पूर्ण करण्याबाबत सूचना देण्यात आल्या.
• विद्यापीठ चौक येथे VVIP यांची वर्दळ वारंवार होत असल्याने औंधकडे जाणाऱ्या जंक्शनजवळ पाणीपुरवठा विभागाने खोदाई केलेली असून सदर ठिकाणी टेस्टिंग करून रिइनस्टमेंटचे काम पूर्ण करून सदरचा रस्ता २ दिवसांत पूर्ववत करण्यात यावा.
• दरवर्षीच्या पावसाळ्यामध्ये मेट्रोच्या कामामुळे नागरिकांना अनेक समस्यांना सामोरे जावे लागते. त्यामुळे मेट्रो विभागाने पथविभागाच्या व अन्य विभागांसह संयुक्त जागा पाहणी करून तातडीने समस्यांचे निराकरण करणेबाबत मा.अतिरिक्त महापालिका आयुक्त यांनी सूचना दिल्या आहेत.
• संबंधित क्षेत्रीय कार्यालय आणि ड्रेनेज विभाग यांनी पावसाळी वाहिन्यांची व चेंबरची तातडीने साफसफाई करून घेणेबाबत निर्देश दिले आहेत. पदपथावरील राडाराडा मेट्रो विभागाने तातडीने हलविण्याचे निर्देश दिले आहेत
पाहणीसाठी उपस्थित अधिकारी,नगरसेवक
अभिजित आंबेकर, अधीक्षक अभियंता, पथ विभाग
सनी निम्हण, सभासद, पुणे मनपा.
सपना छाजेड, सभासद, पुणे मनपा.
गजानन पाटील, उप अभियंता, PMRDA
सुमित यादव, उप अभियंता, PITCMRL
योगेश मंद्रा, प्रोजेक्ट मॅनेजर, PITCMRL
राज धनशेट्टी, सेक्शन इनचार्ज, TPL
तसेच PMRDA, PITCMRL, TPL इत्यादी मेट्रो संबंधित खात्यांचे अधिकारी व पाणीपुरवठा, ड्रेनेज विभाग तसेच क्षेत्रीय कार्यालयाकडील अधिकारी व अभियंते उपस्थित होते.
