पुणे-वृक्षारोपण, पर्यावरण प्रभात फेरी, आरोग्य तपासणी शिबिरांनी आज येथे जागतिक पर्यावरण दिन संपन्न झाला .
कोथरूड बावधन क्षेत्रीय कार्यालय अंतर्गत खासदार, नगरसेवक , कोथरूड भागातील विविध क्षेत्रातील नागरिक, घनकचरा व्यवस्थापन, स्वच्छ , जनवानी सहकारी संस्था, कमिन्स इंडिया लि. यांच्या संयुक्त विद्यमाने जागतिक पर्यावरण दिनानिमित्त वृक्षारोपण, पर्यावरण व स्वच्छता रॅलीचे आयोजन,आरोग्य तपासणी शिबिर इत्यादी अनेक प्रकारचे उपक्रम राबवण्यात आले.
प्रभाग क्रमांक १०,११,३१ गोपीनाथ नगर टेकडी पायथा याठिकाणी जनसेवक अमित तोरडमल आयोजित वृक्षारोपण खासदार प्रा. डॉ. मेधा कुलकर्णी, गिरिश खत्री, क्रीडा समितीचे सदस्या अल्पना वर्पे, नगरसेविका ज्योत्स्ना कुलकर्णी, डॉ. मनिषा बुटाला, महापालिका सहाय्यक आयुक्त सुहास जाधव, वरिष्ठ आरोग्य निरीक्षक राम सोनवणे आरोग्य निरीक्षक करण कुंभार, राजेश आहेर, दतात्रय दळवी, गणेश साठे, प्रमोद चव्हाण, गणेश चोंधे, किरण जाधव, नासिर शेख, ब्रँड अँबेसिडर व मोकादम वैजीनाथ गायकवाड, आण्णा ढावरे, अशोक कांबळे त्या भागातील जेष्ठ नागरिक यांच्या हस्ते वृक्षारोपण करण्यात आले.
तसेच कोथरूड मधील थोरात उद्यान, आयडियल, गुजरात, मयूर कॉलनी, शिवतीर्थ नगर, ए. आर. ए. आय. टेकडी, डहाणूकर कॉलनी, भुसारी कॉलनी अशा विविध ठिकाणी शिवसाम्राज्य प्रतिष्ठानच्या वतीने नागरिकांचे आरोग्य तपासणी शिबिराचे नगरसेवक पृथ्वीराज सुतार, परिमंडल कार्यालय क्रमांक २ चे उपायुक्त अविनाश सकपाळ, सहाय्यक आयुक्त सुहास जाधव यांच्या, प्रभाग समितीच्या अध्यक्षा मा. ॲड. वासंती जाधव, नगरसेवक दिनेश माथवड जनसेवक नवनाथ जाधव यांच्या हस्ते आरोग्य तपासणी शिबिराचे उद्घाटन करण्यात आले. सदर शिबिरामध्ये महिला व पुरुषांच्या बी. पी. मेमोग्राफी, रक्ताच्या विविध तपासण्या करण्यात आल्या. सदर आरोग्य तपासणी शिबिरामध्ये २३५ नागरिकांनी उत्स्फूर्तपणे सहभागी होऊन आपल्या तपासण्या करून घेतल्या.
तसेच सुतारदरा, म्हातोबा नगर, हनुमान नगर, केळेवाडी, किष्किंधा नगर, या परिसरामध्ये पर्यावरण व स्वच्छतेची प्रभात फेरी काढण्यात आली. सदर प्रभात फेरी नागरिकांना “झाडे लावा झाडे जगवा, प्लास्टिकचा वापर टाळा कागदी व कापडी पिशव्यांचा वापर करा, ओला आणि सुका कचरा वर्गीकरण करा, सार्वजनिक ठिकाणी व नदी नाल्यात कचरा टाकून नैसर्गिक प्रवाह दूषित करू नका, आपला परिसर स्वच्छ ठेवा, पर्यावरण वाचवा, जीवन वाचवा, जंगल, जल, जमीन सर्वांचे संरक्षण करा, वृक्षतोड करू नका भविष्य धोक्यात टाकू नका, काम करा लाख मोलाचे निसर्ग आणि संवर्धनाचे, निसर्गाशी मैत्री, प्रगतीची ग्वाही, पृथ्वी एकच तिची काळजी घ्या, हरित भविष्यासाठी आज पाऊल उचला अशाप्रकारच्या घोषणा दिल्या.
