पुणे-भोंदू अशोक खरात व त्याच्या कारनाम्यांवर आता चित्रपट येणार असल्याची माहिती आहे. या चित्रपटात सत्ताधारी शिवसेनेच्या पदाधिकारी दीपाली सय्यद प्रमुख भूमिकेत दिसून येणार आहेत. त्यामुळे त्या राष्ट्रवादी काँग्रेसच्या नेत्या तथा या प्रकरणातील एक कथित प्रमुख संशयित असणाऱ्या रुपाली चाकणकर यांच्या भूमिकेत दिसणार काय? अशी चर्चा सिनेरसिकांत रंगली आहे.मात्र या चित्रपटाचा निर्माता कोण आहे याबाबत अजून तरी गुलदस्त्यात आहे . या चित्रपटाने बरीच राजकीय खळबळ माजण्याची शक्यता नाकारता येणार नाही. चित्रपटात अशोक खरातच्या ढोंगीपणासह या प्रकरणाशी संबंधित महाराष्ट्राच्या राजकारणातील काही प्रभावशाली व्यक्तींचे वास्तवही उलगडण्याचा प्रयत्न केला जाणार आहे असा दावा केला जातोय . त्यामुळे हा चित्रपट केवळ एका व्यक्तीच्या कथित कृष्णकृत्यापुरता मर्यादित न राहता सामाजिक व राजकीय पैलूंवर प्रकाश टाकणारा असल्याचीही चर्चा आहे.
अशोक खरातच्या कारनाम्यांवर एक मराठी चर्चा येणार आहे. शिवसेनेच्या पदाधिकारी तथा अभिनेत्री दीपाली सय्यद यांनी एका वृत्तवाहिनीशी बोलताना ही माहिती दिली आहे.दीपाली सय्यद याविषयी बोलताना म्हणाल्या, बिग बॉस स्पर्धेतून बाहेर आल्यानंतर मला भोंदू अशोक खरात प्रकरणाची माहिती मिळाली. एक असा बाबा समोर आला ज्याने सर्वत्र खळबळ माजवली. या प्रकरणी लवकरच एक चित्रपट येणार आहे. हा चित्रपट मी काढत नाही. त्याचे निर्माते वेगळे आहेत. पण त्यात एक कलाकार म्हणून मी तुम्हाला दिसेल. चित्रपटाची माहिती लवकरच सर्वांपुढे येईल. पण सर्वांनी अशा भोंदूंपासून सावध राहिले पाहिजे. हा एकटाच खरात नाही. असे अनेक खरात कुठे ना कुठे लपलेले असतील. त्यामुळे आपण कोणत्याही गोष्टीवर जागरूक राहिले पाहिजे. लवकरच तुम्ही मला भोंदू खरातच्या चित्रपटात पाहाल.दीपाली सय्यद प्रस्तुत चित्रपटात कोणाच्या भूमिकेत दिसणार याविषयी दीपालीला छेडले असता ती म्हणाली, मी या चित्रपटात भूमिका करणार आहे, पण ती कोणती? हे आत्ताच सांगितले तर काय मज्जा राहणार? तुम्ही चित्रपट पाहा. माझ्याकडे स्क्रिप्ट आली आहे. ती मला वाचू द्या. स्क्रिप्ट वाचल्यानंतर ती भूमिका मला आवडली पाहिजे. त्यानंतर पुढील महिन्यापासून या चित्रपटाचे प्रत्यक्ष शुटिंग सुरू होईल. त्यावेळी मी शुटिंगच्या ठिकाणीच पत्रकारांना मुलाखतीसाठी बोलावेन. ती म्हणाली, राजकारणात सक्रिय असलेल्या कोणत्याही व्यक्तीला सतत आरोप – प्रत्यारोपाच्या फैरींना सामोरे जावेच लागते. त्यात काहीच नवे नाही. पण या संपूर्ण खरात प्रकरणात कोणाकोणाचा खरोखरच काही सहभाग होता का? की प्रत्यक्षात वस्तुस्थिती काही वेगळीच आहे, हे तुम्हाला केवळ चित्रपट पाहिल्यानंतरच स्पष्ट होईल.
