जी हां भाइयों और बहनों, मैं हूं आपका दोस्त अमीन सयानी और आप सुन रहे हैं बिनाका गीतमाला’ रेडीओ वरील या आवाजाने भारत आणि भारताबाहेर देखील ज्यांनी जादुई पद्धतीने बॉलीवूड च्या गाण्यांची घरोघर मैफिल जमविली ,असेरेडिओ/ विविध भारतीचे सर्वांत प्रसिद्ध अनाऊंसर आणि टॉक शोचे निवेदक अमीन सयानी यांनी अखेरचा श्वास घेतला आहे. वयाच्या 91 व्या वर्षी त्यांनी जगाचा निरोप घेतला. अमीन सयानी (Ameen Sayani passed away) यांचा मुलगा राजिल सयानी यांनी याबाबत माहिती दिली आहे.यानी यांच्या निधनाव रराष्ट्रपती द्रौपदी मूर्मू पंतप्रधान नरेंद्र मोदी, यांनी शोक व्यक्त केला आहे.
बुधवारी सकाळी सहा वाजता हृदय विकाराचा झटका आल्याने त्यांना एच.आर. रिलायन्स फाऊंडेशनच्या रुग्णालयात नेण्यात आलं. मात्र, उपचारादरम्यान अमीन सयानी यांचं निधन झालं. रेडिओच्या सुवर्णयुगाचा शिल्पकार हरपल्याने हळहळ व्यक्त केली जात आहे. गेल्या 12 वर्षांपासून त्यांना पाठीच्या दुखण्याचा त्रास होता. त्यामुळे त्यांना चालताना वॉकर वापरावा लागत असे. त्यांच्या निधनानंतर सर्वच क्षेत्रातून शोक व्यक्त करण्यात येत आहे.अमीन सयानी (Ameen Sayani passed away) यांनी जवळपास 19 हजार जिंगल्सना आपला मधुर आवाज दिला होता. त्यांच्या या विक्रमाची नोंद ‘लिम्का बुक ऑफ रेकॉर्डस’मध्ये झाली होती. त्यांचा चाहता वर्ग प्रचंड मोठा होता. त्यांना दर आठवड्याला जवळपास 65 हजार पत्रं यायची.