· भारतभरातील ग्राहकांना आकर्षक दरांना फायनान्शियल सेवासुविधा प्रस्तुत करण्याच्या उद्देशाने ही भागीदारी करण्यात आली आहे.
· ग्राहकांना मिळणार ९.५% आकर्षक व्याज दर आणि कमीत कमी ४९९९* रुपये ईएमआय सुविधा.
पुणे, ८ ऑगस्ट, २०२३: भारतातील पहिली इलेक्ट्रिक मोटरसायकल उत्पादक कंपनी टॉर्क मोटर्सने भारतातील खाजगी क्षेत्रातील आघाडीची बँक एचडीएफसी बँकेसोबत हातमिळवणी केल्याची घोषणा केली आहे. आपल्या ग्राहकांना ९.५%* आकर्षक दराने ४८ महिन्यांपर्यंतच्या कालावधीसाठी सहजसोप्या फायनान्स सेवासुविधा पुरवण्याच्या उद्देशाने टॉर्क मोटर्सने हे पाऊल उचलले आहे. दर महिन्याला कमीत कमी ४९९९* रुपयांची, सहज परवडण्याजोगी ईएमआय सुविधा देऊन, जास्तीत जास्त नव्या ग्राहकांना क्रेटॉस-आर विकत घेता यावी, टॉर्क मोटर्स ग्राहकांच्या गरजांना अनुरूप, विशेष तयार करण्यात आलेल्या फायनान्स सुविधा पुरवल्या जाव्यात हा या भागीदारीचा उद्देश आहे. या करारानुसार एचडीएफसी बँकेचे प्रतिनिधी टॉर्क मोटर्सच्या एक्सपीरियन्स सेंटर्सना उपस्थित राहतील आणि तिथे भेट देणाऱ्या ग्राहकांना आर्थिक सेवासुविधा मिळवण्यात मदत करतील.
टॉर्क मोटर्सचे संस्थापक व सीईओ श्री. कपिल शेळके यांनी या भागीदारीबद्दल सांगितले, “टॉर्क मोटर्सचे फायनान्स पार्टनर म्हणून एचडीएफसी बँकेसोबत भागीदारी केल्याचा आम्हाला आनंद होत आहे. या भागीदारीमुळे आम्ही आमच्या सर्व डीलरशिप्समध्ये आमच्या ग्राहकांसाठी उपलब्ध करवून दिलेल्या फायनान्शियल असिस्टंस पॅकेजच्या पोर्टफोलिओमध्ये वाढ झाली आहे. तातडीच्या आणि सर्वसमावेशक आर्थिक सेवासुविधा उपलब्ध करवून देणे हे आमचे उद्दिष्ट आहे, ज्यामुळे आमच्या सर्व ग्राहकांसाठी ही संपूर्ण प्रक्रिया अतिशय सुरळीतपणे पार पडू शकेल. देशात इलेक्ट्रिक मोबिलिटीचा मोठ्या प्रमाणात स्वीकार केला जावा यासाठी प्रयत्न करण्यासाठी आम्ही बांधील आहोत, म्हणूनच आम्ही ग्राहकांना आवश्यक असलेल्या सर्व सेवासुविधा एकाच ठिकाणी उपलब्ध करवून देत आहोत.”
एचडीएफसी बँकेचे ग्रुप हेड – रिटेल ऍसेट्स, श्री. अरविंद कपिल यांनी सांगितले, “ब्रँडच्या ग्राहकांना आकर्षक ऑफर्स उपलब्ध करवून देऊन त्यांच्या ई-मोबिलिटीचा स्वीकार व वापर करण्याच्या वाटचालीचे सहयोगी बनण्यासाठी टॉर्क मोटर्ससोबत हातमिळवणी केल्याबद्दल आम्हाला अतिशय आनंद होत आहे. ई-मोटरसायकल विकत घेणे हा आमच्या सर्व ग्राहकांसाठी एक आनंददायी अनुभव बनावा यासाठी आम्ही आकर्षक व्याज दर प्रस्तुत करत आहोत. आपले पर्यावरण अधिक जास्त हिरवेगार व अधिक स्वच्छ बनवण्यासाठी आम्ही योगदान देत असल्याचा देखील आम्हाला आनंद होत आहे.”
टॉर्क मोटर्सने २०२२ साली आपली पहिली मोटरसायकल क्रेटॉस-आर लॉन्च केली. तेव्हापासून आजतागायत या कंपनीच्या भारतात बनवण्यात आलेल्या इलेक्ट्रिक मोटरसायकल्सना ग्राहकांकडून खूप मोठ्या प्रमाणावर बुकिंग्सच्या रूपाने प्रचंड प्रतिसाद दिला जात आहे. यावर्षीच्या सुरुवातीला ऑटो एक्स्पोमध्ये या ब्रँडने नवी क्रेटॉस-आर सादर केली ज्यामध्ये लक्षणीय बदल करण्यात आले आहेत. शहरी प्रवाशांसाठी तयार करण्यात आलेल्या या प्रीमियम इलेक्ट्रिक मोटरसायकलमध्ये आता पूर्णपणे काळी मोटर व बॅटरी पॅक, त्यासोबत अधिक जास्त स्टायलिंगसाठी स्टायलिश डिकल्स आहेत. यामध्ये फास्ट-चार्जिंग पोर्ट देखील देण्यात आले आहे. ही ई-मोटरसायकल पाच ट्रेंडी रंगांमध्ये उपलब्ध असून त्यामध्ये ग्रे छटांसह जेट ब्लॅक या नव्या रंग पर्यायाचाही समावेश आहे.
क्रेटॉस-आर जास्तीत जास्त ग्राहकांना विकत घेता यावी यासाठी टॉर्क मोटर्सने आघाडीच्या फायनान्शियल संस्थांसोबत हातमिळवणी केली आहे. आधी ज्यांनी ही गाडी खरेदी केली आहे ते ग्राहक देखील फरकाची रक्कम भरून आपली सध्याची मोटरसायकल अपग्रेड करून घेऊ शकतात. कंपनीच्या अधिकृत वेबसाईटवर ग्राहक त्यांची क्रेटॉस-आर ऑनलाईन बुक करू शकतील
