पुणे-
महाराष्ट्र मेट्रोरेल कार्पोरेशन लि. पुणे यांचे मार्गिका वनाज ते रुबी हॉल मेट्रो स्टेशन पिंपरी-चिंचवड
महानगरपालिका ते शिवाजीनगर सिव्हील कोर्ट मेट्रो स्टेशन पर्यंत मेट्रो दि. ०१/०८/२०२३ पासुन सुरू करण्यात आली
आहे. त्या अनुषंगाने पुणे महानगर परिवहन महामंडळामार्फत प्रवाशांच्या सोईकरीता दि. ०२/०८/२०२३ पासुन मेट्रो
फिडर बससेवा सुरू करण्यात आली असून त्याचा शुभारंभ पुणे महानगर परिवहन महामंडळाचे अध्यक्ष व व्यवस्थापकीय
संचालक मा. सचिन्द्र प्रताप सिंह, मेट्रोचे व्यवस्थापकीय संचालक श्रावण हर्डीकर यांच्या हस्ते मेट्रोच्या शिवाजीनगर
सिव्हिल कोर्ट रुम स्थानक येथे वातानुकूलित ई-बस ला हिरवा झेंडा दाखवून करण्यात आला.
यावेळी पुणे मेट्रोचे वर्क्स संचालकअतुल गाडगीळ, पुणे महानगर परिवहन महामंडळाचे सहव्यवस्थापकीय
संचालक तीन नार्वेकर, मेट्रोचे सिस्टम्स अॅन्ड ऑपरेशनचे संचालक विनोदकुमार अग्रवाल, मेट्रोचे जनता संपर्क
अधिकारी हेमंत सोनवणे, मेट्रोचे डि.जी.एम मनोज डॅनियल, पुणे महानगर परिवहन महामंडळाचे चीफ ट्रान्सपोर्ट मॅनेजर
(ऑपरेशन) सतिश गव्हाणे, चीफ इंजिनिअर रमेश चव्हाण, कामगार व जनता संपर्क अधिकारी सतिश गाटे, वाहतूक
नियोजन संचलन अधिकारी नारायण करडे यांची प्रमुख उपस्थिती होती.
पीएमपीएमएल कडून सुरु करण्यात येत असलेल्या या मेट्रो फीडर बससेवेमुळे प्रवाशी नागरिकांना मेट्रो स्टेशन्स
पर्यंत पोहोचणे सोयीचे होणार आहे. तरी सदरच्या मेट्रो फीडर बससेवांचा लाभ प्रवाशी नागरिकांनी घ्यावा, असे आवाहन
पीएमपीएमएल कडून करण्यात येत आहे.
