पुणे-
उशिरा पर्यंत थांबवून कामावरून काढून देण्याची धमकी देत अधिकाऱ्याने महिला कर्मचाऱ्यांचा विनयभंग केल्याचा लष्कर भागातील एका नामांकित बँकेत घडला आहे. याप्रकरणी एका 38 वर्षीय महिलेने लष्कर पोलिस ठाण्यात फिर्याद दिली आहे. त्यानुसार बुद्धभूषण गायकवाड यांच्या विरोधात गुन्हा दाखल करण्यात आला आहे. ही घटना जानेवारी 2023 ते 7 जून 2023 दरम्यान लष्कर भागातील अतुर चेंबूर येथील बँक ऑफ बडोदा येथे घडली.
पोलिसांनी दिलेल्या माहिती नुसार, बुद्धभूषण गायकवाड हे बँक ऑफ बडोदा शाखा लष्कर क्रेडिट कार्ड विभागात आहेत. ते या विभागातील कर्मचारी महिलांना उशिरा पर्यंत थांबवून ठेवत आणि कामावरून काढून टाकण्याची धमकी देत होते. तसेच फिर्यादी यांना शिवीगाळ करून प्रमोशन हवे असेल तर अधिकाऱ्यांशी संबंध ठवावे लागतील असे म्हणाले. फिर्यादी यांच्या बरोबर असणाऱ्या दुसऱ्या महिला कर्मचाऱ्यांना सुद्धा अश्लील भाषेत बोलत असल्याचे सांगितले आहे. पुढील तपास पोलिस उपनिरीक्षक गायकवाड करत आहेत.