मुंबई-
कोरोनाच्या वेळी उद्धव ठाकरेंनी उत्तम काम केले आहे. त्या काळात कोविड सेंटरमध्ये कोणताही घोटाळा झालेला नाही. मात्र, ठाकरेंनी कोरोना काळात केलेल्या कामाला डाग लावण्याचा प्रयत्न होत असल्याचा आरोप खासदार संजय राऊत यांनी केला. आगामी महानगर पालिका निवडणुका डोळ्यांसमोर ठेवून हे केले जात असल्याचा आरोप देखील खासदार राऊत यांनी केला.
खासदार संजय राऊत यांनी पत्रकारांशी संवाद साधल पंतप्रधान नरेंद्र मादी आणि भारतीज जनता पक्षावर निशाणा साधला. कोरोना काळात उद्धव ठाकरे यांनी उत्तम काम केले आहे. मात्र, मुंबई महानगर पालिका निवडणुकीत त्यांना याचा फायदा होऊ नये, यासाठी त्यांच्या कामावर डाग लावण्याचा प्रयत्न केला जात असल्याचा आरोप खासदार संजय राऊत यांनी केला. आगामी पालिका निवडणुकीच्या तोंडावर ठाकरेंना बदनाम करण्याचा हा प्रयत्न असल्याचे संजय राऊत म्हणाले.
अजित पवार मुख्यमंत्री होणार
अजित पवार लवकारात लवकर महाराष्ट्राचे मुख्यमंत्री होतील, असा पुन्हा एकदा दावा खासदार संजय राऊत यांनी केला. शिंदे गटाने हे सत्य स्वीकारले पाहिजे, असा सल्ला देखील त्यांनी दिला. अजित पवार यांच्या मुख्यमंत्री पदाबाबतचे बॅनर लागले आहेत, या संदर्भात ते माध्यमांशी बोलत होते.