मुंबई, दि. ११ : अमरावती जिल्ह्यातील अचलपूर येथील फिनले मिलच्या कामगारांना देण्यात येत असलेले अर्धे वेतन नियमित व वेळत देण्यात यावे असे आदेश वस्त्रोद्योग मंत्री चंद्रकांत पाटील यांनी दिले.
वस्त्रोद्योग मंत्री चंद्रकांत पाटील यांच्या अध्यक्षतेखाली मंत्रालयात फिनले मिल विषयी आढावा बैठक आयोजित करण्यात आली होती. त्यावेळी मंत्री श्री. पाटील यांनी केंद्र शासनाच्या अधिका-यांना सूचना देतांना बोलत होते.
यावेळी आमदार ओमप्रकाश(बच्चु) कडू, वस्त्रोद्योग विभागाचे सचिव वीरेंद्र सिंग,वस्त्रोद्योग विभागाचे एस.के.सिंग नँशनल टेक्स्टाईल कार्पोरेशन लिमिटेडचे पी. कुंगूमराज पी.,डि.के.नासा,किशोर पवार , व संबंधित अधिकारी उपस्थित होते.
विदर्भातील या फिनले मिलमधील ९०० कामगारांना रोजगार मिळण्यासाठी राज्य सरकारकडून २० कोटी रूपयांची तरतूद करण्याची तयारी आहे.
मिलमधील कामगारांच्या विविध समस्या सोडवण्यासाठी तसेच मिल पुन्हा सुरू करण्यासाठी केंद्रीय वस्त्रोद्योग मंत्री पीयुष गोयल यांना तात्काळ पत्र पाठवून मिल सुरू करण्यासाठी पाठपुरावा करावा.असेही मंत्री श्री.पाटील यांनी सांगितले.