शब्द दिला असेल …तर निश्चित अजित पवार मुख्यमंत्री होतील-भाजपा नेते संजय काकडे
पुणे- शहरात भारतीय जनता पक्षाचे ९८ नगरसेवक आहेत. त्यामुळे ही जागा भाजपला मिळेल, असे त्यांनी सांगितले. पक्षात ज्याला संधी मिळेल तो पुणे लोकसभेची जागा लढवेल, असे भाजप नेते,माजी खासदार संजय काकडे यांनी म्हटले आहे.राज्यात लोकसभेच्या ४८ पैकी ४५ जागा भाजप अन् मित्र पक्षाला मिळतील. राष्ट्रवादी काँग्रेसचे नेते छगन भुजबळ, धनंजय मुंडे, सुनिल तटकरे यांचा आम्हाला फायदाच होणार आहे.वरिष्ठांनी शब्द दिला असेल तर अजित पवार नक्कीच मुख्यमंत्री होतील असेही विधान संजय काकडे यांनी केले आहे.
भारतीय जनता पक्षाच्या वरिष्ठ नेत्यांनी अजित पवार यांना मुख्यमंत्री पदाचा शब्द दिला असेल तर अजित पवार मुख्यमंत्री होतील, असे विधान भाजपचे माजी खासदार संजय काकडे यांनी केले आहे. वरिष्ठ स्तरावर काय ठरले आहे ते पाहावे लागणार आहे. परंतु भाजपसोबत आल्याचा अजित पवार यांना फायदा होणार असल्याचे त्यांनी सांगितले.दरम्यान, अजित पवारांसह आठवडाभरापूर्वी शपथ घेतलेल्या मंत्र्यांना अद्याप खाते वाटप झालेले नाही. त्यामुळे भाजप – शिंदे गट- अजित पवार गट यांच्यात सारे काही आलबेल दिसत नाही अशी चर्चा आहे. अजित पवार गटाच्या भाजप नेते फडणवीसांसोबत बैठका सुरू आहेत. मात्र अद्याप काही तोडगा निघालेला नाही.
गेली काही दिवस राज्याच्या राजकारणात अनेक उलथापालथ पाहायला मिळत आहे. यात वर्षभरापूर्वी एकनाथ शिंदे यांनी शिवसेनेतून बाहेर पडत आपल्या 40 आमदारांसह भाजपची साथ धरली. आता आठ, दहा दिवसांपूर्वी राष्ट्रवादी काँग्रेसमधून अजित पवार बाहेर पडले अन् त्यांच्या गटातील नऊ आमदारांसह सत्तेत आले. आता भाजपसोबत येताना अजित पवार यांना मुख्यमंत्रीपदाचे आश्वासन दिले होते का? यासंदर्भात भाजप नेत्याने दावा केला आहे.
एका वृत्तवाहिनीसोबत बोलत असताना भाजपचे माजी खासदार संजय काकडे म्हणाले की, आता जर आमच्या वरिष्ठांनी आणि त्यांच्या नेतृत्त्वाचे काही ठरले असेल आणि ज्याचे जास्त आमदार निवडून येतील तोच मुख्यमंत्री व्हायला पाहिजे. परंतु, काही वेळ, काही प्रसंग असे येतात की पक्षश्रेष्ठींना निर्णय घ्यावे लागतात की जर शब्द दिले असतील तर… आणि त्यांचा पूर्ण महाराष्ट्रामध्ये नेटवर्क चांगले आहे, त्याचा भाजपला नक्कीच फायदा होईल. त्यामुळे वरिष्ठांनी शब्द दिले असतील तर मला काही त्यात गैर वाटत नाही. यासंदर्भात वरिष्ठ स्तरावर काय ठरलंय ते पाहावं लागणार आहे. परंतु भाजपसोबत आल्याचा अजित पवार यांना फायदा होणार असल्याचे त्यांनी सांगितले.