पुणे-अपुरे रस्ते, बेसुमार होत असणारी वाढत्या वाहनांची संख्या,पर्यायाने होणारी जीवित व विक्त हानी टाळावी,या साठी महाराष्ट्र राज्य मोटार ड्रायव्हिंग स्कूल,मालक संघटनेच्या वतीने गेली 3 दिवस वाहतूक नियमावली व वाहन चालविताना घ्यावयाची काळजी याचे प्रबोधन करण्याचे काम वारी दरम्यान करण्यात येते आहे. पंढरपूर यात्रेसाठी आळंदीहून पंढरपूरकडे जात असणाऱ्या टेम्पो, कार, ट्रॅक्टर,ट्रक ई.वाहनांच्या चालकांना याबाबत सूचित करण्यात आले,वाहतुक नियमाचे पालन करण्याबरोबरच वाहन रस्त्यावर आणताना घ्यावयाची काळजी याचे मार्गदर्शन करणारी पुस्तिका,गुलाब पुष्प, श्री.फळ देऊन वारीतील वाहन चालकांना सुरक्षित वाहन चालविण्याचे आवाहन करण्यात आले.राज्य संघटनेचे उपाध्यक्ष विठ्ठल मेहता यांच्या पुढाकाराने आयोजित करण्यात आलेल्या या उपक्रमात पुणे वाहतूक पोलिस,यांच्या सह कृष्णा दाभाडे,महेश शिळीमकर, एकनाथ ढोले,अनिल भिसे,सचिन खिलारे,आशिष बाहेती ई.सहभागी झाले होते.