काँग्रेस 122 जागांवर आघाडीवर
बेळगाव-कर्नाटक विधानसभा निवडणुकीत काँग्रेस पक्ष बहुमताच्या आकड्याजवळ पोहोचला आहे. संपूर्ण महाराष्ट्राचे लक्ष लागून असलेल्या महाराष्ट्र-कर्नाटक सीमा भागातील मतदारसंघांतही काँग्रेसचाच बोलबोला दिसत आहे.कर्नाटकमध्ये काँग्रेसचा विजय जवळपास निश्चत समजला जात आहे. सध्या काँग्रेस 122 जागांवर आघाडीवर आहे. काँग्रेसने मॅजिक फिगरच्या पुढे झेप घेतली आहे.12.10 वाजता हाती आलेल्या कलांनुसार भाजप 71 काँग्रेस122 आणि जेडीएस २५ जागांवर आघाडीवर असून इतर 6 जागांवर पुढे आहे. एकूणच काँग्रेसचा विजय दृष्टीपथामध्ये आहे. कर्नाटकमध्ये काँग्रेसची सत्ता स्थापन झाली तर देशातलं हे चौथं राज्य असेल.चलगिरा मतदार संघातून काँग्रेसचे उमेदवार टी. रघुमूर्ती विजयी झाले आहेत. त्यांनी तब्बल 16 हजार मतांनी विजय मिळवला आहे. त्यामुळं भाजपसाठी हा मोठा धक्का मानला जात आहे.