१३०० कोटी रुपयांचे कोलते-पाटील यांचे पुण्यात दोन नवीन निवासी प्रकल्प सुरू

• पुण्यातील वाघोली येथे ५ एकर जमिनीचे संपादन- प्रकल्पाची अंदाजे ७.५ लाख चौ. फूट ची विकसनक्षमता आणि ४०० कोटी रुपयांची महसूल क्षमता.

• एनआयबीएम रोड, पुणे येथे संयुक्त उपक्रम प्रकल्पात प्रवेश – प्रकल्पाची अंदाजे ११.५ लाख चौ. फूट ची विकसनक्षमता आणि ९०० कोटी रुपयांची महसूल क्षमता.

पुणे, १० मे २०२३: एकूण अंदाजे विक्रीयोग्य क्षेत्रफळ १.९ दशलक्ष चौरस फूट आणि १,३०० कोटी रुपयांची अग्रणी क्षमता यांसह मुंबई आणि बेंगळुरूमध्ये आपले स्थान वाढवत असलेली पुण्यातील अग्रगण्य बांधकाम व्यवसाय कंपनी कोलते-पाटील डेव्हलपर्स लिमिटेड (BSE: 532924, NSE: KOLTEPATIL; KPDL) ने पुण्यात दोन नवीन निवासी विकास प्रकल्पांवर स्वाक्षरी केली आहे. हे प्रकल्प पुण्यातील वाघोली  (नगर रोड) आणि एनआयबीएम रोड (कोंढवा) येथे आहेत. हे पाऊल पुण्याच्या उच्च संभाव्य मायक्रो मार्केटमध्ये आपले नेतृत्व स्थान आणखी मजबूत करण्याच्या दिशेने कंपनीच्या प्रयत्नांना सूचित करते.

प्रकल्प तपशील:

Note: Based on current estimates

१.     वाघोली (नगर रोड) प्रकल्प – एमआयजी निवासी प्रकल्प विकसित करण्यासाठी कोलते-पाटील यांनी पुण्यातील सुनियोजित मायक्रो मार्केट असलेल्या वाघोली (नगर रोड) येथे ५ एकर जमीन संपादित केली आहे. प्रमुख आयटी/आयटीईएस हब आणि औद्योगिक प्रदेशच्या जवळ, पुणे शहराच्या इतर भागांशी अखंड कनेक्टिव्हिटी आणि सुविकसित सामाजिक पायाभूत सुविधांमुळे वाघोली हे पसंतीचे निवासी ठिकाण म्हणून झपाट्याने विकसित झाले आहे. वाघोलीत ५ दशलक्ष चौरस फूट पेक्षा जास्त क्षेत्र विकसित आणि वितरित केल्याने मायक्रो-मार्केटमधील ग्राहकांच्या गरजांची कंपनीला सखोल माहिती आहे.

२.     एनआयबीएम रोड (कोंढवा) प्रकल्प – कोलते-पाटील यांनी एनआयबीएम रोड, कोंढवा येथे प्रीमियम निवासी प्रकल्प विकसित करण्यासाठी संयुक्त उपक्रमात प्रवेश केला आहे. हे मायक्रो-मार्केट निसर्गरम्यता, मजबूत पायाभूत सुविधा आणि सुलभ कनेक्टिव्हिटी यांचे एक वैशिष्ट्यपूर्ण मिश्रण आहे. त्यामुळे ते ग्राहक विभागांमध्ये लोकप्रिय स्थान बनले आहे. ५ दशलक्ष चौ.फूट पेक्षा जास्त प्रकल्प विकसित आणि वितरित केल्यामुळे, कोलते-पाटील यांचा या मायक्रो-मार्केटमध्ये मजबूत ठसा आहे.

या नवीन घडामोडींवर भाष्य करताना कोलते-पाटील डेव्हलपर्स लि.चे ग्रुप सीईओ श्री. राहुल तळेले म्हणाले, “पुणे ही आमची सुरुवातीपासूनच प्रमुख बाजारपेठ आहे आणि आम्ही शहराच्या क्षमतेबद्दल आशावादी आहोत. मजबूत शहरी पायाभूत सुविधा, जीवनमानाच्या गुणवत्तेची उच्च क्षमता, राहणीमानाचा वाजवी खर्च आणि वाढत्या दरडोई उत्पन्नाला विविध क्षेत्रातील मजबूत रोजगाराच्या संधींचे पाठबळ यांनी पुण्याच्या वाढत्या निवासी बांधकाम व्यवसाय बाजारपेठेमध्ये महत्त्वपूर्ण योगदान दिले आहे. एका महत्त्वपूर्ण घडामोडीमध्ये आम्ही आकर्षक ठिकाणच्या दोन नवीन प्रकल्पांवर स्वाक्षरी केली असून त्यामुळे पुण्याच्या उच्च संभाव्य सूक्ष्म बाजारपेठांमध्ये खोलवर स्थान निर्माण करण्यास अनुमती मिळाली आहे. शहरातील कामकाजाच्या बाबतीत तीन दशकांहून अधिक काळ तयार केलेल्या आमच्या मजबूत ब्रँड इक्विटीचा लाभ घेत आम्ही हे व्यवहार कमी आगाऊ गुंतवणुकीसह संरचित केले आहेत. भांडवलावरील परताव्याच्या अनुकूलतेच्या दृष्टीकोनातून कमी भांडवलाची तीव्रता राखून बाजारपेठांमध्ये वाढ घडवून आणण्याच्या आमच्या उद्दिष्टाशी हे सुसंगत आहे. आम्ही पुण्यातील आमचे अग्रणी स्थान मजबूत करण्यासाठी उत्सुक असून आमच्या सर्व भागधारकांसाठी हे शाश्वत मूल्यात परावर्तित करताना बघत आहोत.”