![](https://mymarathi.net/wp-content/uploads/2023/04/WhatsApp-Image-2023-04-21-at-21.21.07.jpeg)
पुणे- पुण्यात अनधिकृत बांधकामे आणि अतिक्रमणांची कमतरता नाही ,पण म्हणून कारवाई देखील हतबल झालेली नाही आणि होणार नाही हे दर्शविण्यासाठी काल पुन्हा बाणेर मध्ये महापालिकेच्या वतीने अनधिकृत बांधकामे , अतिक्रमणे यांवर धडक कारवाई करण्यात आली .बाणेर येथील बाणेर येथील बाणेर – औंध लिंक रोड ( मेडि पॉइंट चौक ते बाणेर स्मशान भूमी ) येथे अनेक अनधिकृत हॉटेल्स ,व्यवसायिक पत्राशेड व अनधिकृत बांधकाम यावर धडक कारवाई बांधकाम विकास विभाग झोन ३ व औंध – बाणेर क्षेत्रीय कार्यालय अतिक्रमण विभाग यांचेमार्फत पोलीस स्टाफच्या मदतीने संयुक्त कारवाई नियोजित करण्यात आलेली होती.सदर कारवाई मधे सुमारे १,१०,७३० चौ.फूट क्षेत्र निष्कासित करण्यात आले आहे.
![](https://mymarathi.net/wp-content/uploads/2023/04/WhatsApp-Image-2023-04-21-at-21.21.01-1.jpeg)
सदर कारवाई पुणे महानगरपालिकेचे अधिक्षक अभियंता युवराज देशमुख,बांधकाम विभाग झोन क्र.३ चे कार्यकारी अभियंता – श्रीकांत वायदंडे यांचे मार्गदर्शनाखाली,उप अभियंता निवृत्ती उतळे,कनिष्ठ अभियंता संदेश कुवळमोडे, अजित सणस, विश्वनाथ बोटेआरेखक नविन महेत्रे,टूलीप इंजिनियर सुरज शिंदे, प्राची सर्वगोड यांचे पथकाने तीन जेसीबी, दोन गॅस कटर, एक ब्रेकर, १० अतिक्रमण कर्मचारी यांचे सहाय्याने कारवाई केली.
![](https://mymarathi.net/wp-content/uploads/2023/04/WhatsApp-Image-2023-04-21-at-21.21.01.jpeg)