अष्टाविनायकांपासून ते पंढरपूर पर्यंत अनेक धार्मिक स्थळे, निसर्गाव्दारे वरदान लाभलेली संपदा, गडकिल्ले, ओसंडून वाहणारे धबधबे, नदया, सागरी किनारे, नागमोडी वळणे असलेले घाट, पारंपारिक संस्कृति, खादयसंस्कृति अशा विशिष्ठ वैशिष्ठयांमुळे आज महाराष्ट्रामध्ये देशभरातून नव्हे तर जगभरातून पर्यटकांचा राबता दिसता, पाउलखुणा दिसतात.
पर्यटनाचे सकारात्मक परिणाम वाढवणेकरिता तसेच नकारात्मक परिणामांना आळा घालणेकरिता, ते कमी करणेकरिता एक साधा आणि वाखणण्याजोगा उपाय म्हणजे जबाबदार पर्यटन, जे आज संपूर्ण जगभरात पुष्कळ ठिकाणी स्विकारले गेले आहे. जबाबदार पर्यटन या संकल्पनेचा मुळात उददेश हाच आहे कि सर्व भागीदारांमध्ये जबाबदार पर्यटन स्विकारण्याच्या दृष्टीने जागृती निर्माण करणे. आजच्या स्पर्धात्मक युगात पर्यटन व्यवसाय खुप वाढीस लागला असून पर्यटनाला खुप चालना मिळाली आहे. पर्यटनाबरोबरच आपला सांस्कृतिक वारसा आणि परंपरा जोपासणे आवश्यक आहे. या परंपरांची आणि वारशाची इत्यंभुत माहीती पर्यटकांना आणि येणाऱ्या नवीन पिढीला असणे आवश्यक आहे. याचाच एक भाग म्हणुन वाचन संस्कृती वाढीस लागणे आवश्यक असल्याचे दिसुन येत आहे. मुलांना मोबाईल आणि केबलच्या आभासी जगातुन बाहेर काढुन आपल्या समृध्द असलेल्या भारतीय परंपरेची ओळख ही वाचन परंपरेतुन करुन देता येणार आहे.
महाराष्ट्र राज्यातील महामंडळाच्या सर्व पर्यटन स्थळावरील हॉटेल्स, रिसॉर्ट या ठिकाणी ऐतिहासिक माहिती, महाराष्ट्रातील पर्यटनाविषयी माहिती, संतांची माहिती, क्रांतीकारांची माहिती, हिंदी/इंग्रजी/मराठी या भाषांमधील इतर साहित्य इ. महत्वाच्या विषयांची पुस्तके मोठया प्रमाणांत पर्यटकांना उपलब्ध करुन देणे बाबत पुढील आवश्यक ती कार्यवाही 15 दिवसांत करावी, अश्या आशयाच्या सुचना श्री. मंगलप्रभात लोढा, मा. मंत्री, पर्यटन, कौशल्य, रोजगार, उद्योजकता व नाविन्यता, महिला व बालविकास, महाराष्ट्र शासन यांनी दिल्या आहेत.
महामंडळ परिचलन करीत असलेल्या पर्यटक निवासामध्ये येणाऱ्या पर्यटकांसाठी त्यांचा वास्तव्याचा कालावधी मनोरंजनात्मक व अविस्मरणीय व्हावा. तसेच पर्यटकांच्या आयुष्यात सामाजिक, सांस्कृतिक, आर्थिक, वैज्ञानिक तसेच सामान्य ज्ञानात अधिकाअधिक भर पडण्याच्या दृष्टीकोनातुन महामंडळामध्ये वाचनालय / ग्रंथालय सुरु करण्याचे नियोजन आले होते. प्रादेशिक स्तरावर व काही पर्यटक निवासे येथे वाचनालय सुरु देखील करण्यात आले आहेत.
महाराष्ट्र पर्यटन विकास महामंडळ पर्यटन आणि निसर्ग यांसाठी विशेष प्रयत्न करीत आहे. त्यास अनुसरुन महामंउळाच्या सर्वच पर्यटक निवासांमध्ये तृणधान्याचे पदार्थ उपलब्ध करुन देण्याबरोबरच जबाबदार पर्यटनाची संकल्पना अंगिकारण्यात येत आहे. महामंडळाच्या उपहारगृहांमध्ये स्थानिक खादयपदार्थांना प्रोत्साहन दिले जात असुन पर्यटकांचे मन मोहून टाकणारे स्थानिक खादयपदार्थ जसे की पिठले, उसळ, काळा मसाला असे खास पदार्थ पाहुण्यांना सुचविण्यात येणार असुन स्थानिक पाककृतीच्या चवींचा आणि विशिष्टतेचा आनंद पर्यटकांना देण्यात येत आहेत. यास अनुसरून प्रत्येक पर्यटक निवासात पुरेपुर विचार करून सदर मुल्ये प्रत्यक्षरित्या अंमलात आणणार असुन पर्यटकांचे आदरातिथ्य जबाबदार पर्यटन या संकल्पनेस अनुसरून MTDC ची पर्यटकांची मनामध्ये असलेली प्रतिभा अजुन उंचावणार आहोत. प्लॅस्टिक प्रदुषण कमी करताना निसर्गाचे भान ठेवुन कचरा न करणे आणि पर्यावरणाची स्वच्छता ठेवणे या बाबी कटाक्षाने करण्यात येत आहेत.
पर्यटक निवासांच्या ठिकाणी वाचनालय सुरु करण्याबाबत सर्व वरिष्ठ / प्रादेशिक व्यवस्थापक व पर्यटक निवास व्यवस्थापक यांना महामंडळाच्या व्यवस्थापकिय संचालक श्रीमती श्रध्दा जोशी शर्मा यांनी निर्देशित केले आहे. वाचनालय / ग्रंथालय सुरु करण्यासाठी सुयोग्य पर्यटक निवासे येथील जागेची त्वरीत पाहणी करुन ग्रंथालय सुरु करण्यात येणार आहेत. सुरु करण्यात आलेल्या वाचनालय / ग्रंथालयात महाराष्ट्रातील पर्यटनाविषयी माहिती, संतांची माहिती, क्रांतीकारांची माहिती, हिंदी/इंग्रजी/मराठी या भाषांमधील इतर साहित्य इ. महत्वाच्या विषयांची पुस्तके मोठया प्रमाणांत पर्यटकांना वाचनाकरिता सहजरित्या उपलब्ध करुन देण्यात येणार आहेत. महामंडळाच्या अंतर्गत असलेल्या पर्यटक निवास छत्रपती संभाजीनगर, महाबळेश्वर या ठिकाणी वाचनालये सुरु करण्यात आली आहेत. आगामी काळात पर्यटक निवास लोणार, पर्यटक निवास फर्दापुर या ठिकाणीही वाचनालय / ग्रंथालय सुरु करण्यात येणार आहेत. लहान मुले आणि जेष्ठ नागरिक असलेल्या पर्यटकांसाठी ही वाचनालये माहीतीची पर्वणी ठरणार आहेत. वाचनाबरोबरच निसर्गाचा समतोल साधत पर्यटनाचा पुरेपुर आनंद घ्यावा, असे आवाहन महाराष्ट्र पर्यटन विकास महामंडळाचे प्रादेशिक व्यवस्थापक श्री. दिपक हरणे यांनी केले आहे.
महाराष्ट्र पर्यटन विकास महामंडळ पर्यटक निवासांमध्ये वाचनालय / ग्रंथालय सुरु करणार…
Date:
More like thisRelated
… अन्यथा शिंदेंच्या शिवसेनेवर राज्यभर बहिष्कार:पुणे श्रमिक पत्रकार संघाचा इशारा
पुणे: पत्रकारांना धमक्या दिलेले खासदार संजय दिना पाटील यांना...
पत्रकारांचा अपमान करणाऱ्या खासदारावर कडक कारवाई करावी – राजा माने
डिजिटल मीडिया संपादक पत्रकार संघटना सर्व जिल्ह्यात करणार आंदोलन
मुंबई...
पुण्यात 4C कॉस्मो कार केअर सेंटरच्या पहिल्या केंद्राच्या उद्घाटनासह कॉस्मो कन्झ्युमरने ऑटोमोटिव्ह आफ्टरमार्केट क्षेत्रात आपले स्थान केले आणखी मजबूत
पुणे, 25 जून 2026: कॉस्मो फर्स्ट लिमिटेडच्या ग्राहकाभिमुख व्यवसाय विभाग असलेल्या कॉस्मो कन्झ्युमरने आज पुण्यात आपल्या पहिल्या 4C कॉस्मो कार केअर सेंटरच्या उद्घाटनाची घोषणा केली. या माध्यमातून कंपनीने संघटित वाहन संरक्षण आणि कार केअर सेवा क्षेत्रात धोरणात्मक विस्तार केला आहे. मजबूत ऑटोमोटिव्ह परिसंस्था, वाढता प्रीमियम वाहनांचा ग्राहकवर्ग आणि वाहन संरक्षण उपायांचा वाढता ग्राहक स्वीकार या कारणांमुळे पुण्याची पहिल्या केंद्रासाठी निवड करण्यात आली.
कंपनीच्या ऑटोमोटिव्ह आफ्टरमार्केट पोर्टफोलिओमधील कॉस्मो पीपीएफ पेंट प्रोटेक्शन फिल्म्स, कॉस्मो सनशील्ड विंडो फिल्म्स आणि कॉस्मो गार्ड कोटिंग्ज व कंपाऊंड्स यांना मिळालेल्या मजबूत प्रतिसादाच्या पार्श्वभूमीवर हे उद्घाटन करण्यात आले आहे. आर्थिक वर्ष 26 मध्ये या व्यवसायाने 23 कोटी रु. चा महसूल नोंदवला असून, विंडो फिल्म्ससाठी 75 हून अधिक वितरक आणि पेंट प्रोटेक्शन फिल्म्ससाठी 40 वितरक अशा देशव्यापी वितरण जाळ्याच्या बळावर ही वाढ साध्य झाली आहे.
नवीन 4C केंद्र हे उत्पादनातील नवकल्पना, वितरण विस्तार, सेवा क्षमता आणि ग्राहक सहभाग यांच्या एकत्रित माध्यमातून ऑटोमोटिव्ह आफ्टरमार्केट मूल्यसाखळीत आपले स्थान अधिक बळकट करण्याच्या कॉस्मो कन्झ्युमरच्या व्यापक धोरणाचे प्रतिक आहे. वाहनांचे सौंदर्य जपणे, अधिक आरामदायी अनुभव देणे आणि वाहनाचे दीर्घकालीन मूल्य टिकवून ठेवणे यासाठी ग्राहकांकडून वाढत्या प्रमाणात उपाययोजनांची मागणी होत असल्याने वेगाने विकसित होत असलेल्या कार केअर आणि वाहन संरक्षण बाजारपेठेत कंपनीला मोठ्या संधी दिसत आहेत.
या घडामोडीबाबत बोलताना कॉस्मो फर्स्टचे समूह मुख्य कार्यकारी अधिकारी पंकज पोद्दार म्हणाले, “कॉस्मो फर्स्टमध्ये आम्ही सातत्याने उच्च वाढीची क्षमता असलेली क्षेत्रे ओळखून त्यामध्ये व्यवसाय उभारले आहेत. ऑटोमोटिव्ह आफ्टरमार्केट हे असेच एक भरपूर व्यवसाय संधी असलेले क्षेत्र आहे. भारतातील विंडो फिल्म बाजारपेठेचा आकार सुमारे 1,000 कोटी रु. असल्याचा अंदाज आहे तर पेंट प्रोटेक्शन फिल्म विभागात दरवर्षी जवळपास 30% वाढ होत आहे. त्यामुळे दर्जेदार उत्पादने आणि विश्वासार्ह सेवा देणाऱ्या संघटित कंपन्यांसाठी मोठी संधी उपलब्ध आहे. आमच्या पहिल्या 4C केंद्राचे उद्घाटन हे त्या दिशेने टाकलेले एक महत्त्वाचे पाऊल आहे. 4C नेटवर्कचा विस्तार करण्यासाठी आणि कॉस्मो पीपीएफ तसेच कॉस्मो सनशील्ड या आमच्या ब्रँड्सना अधिक बळकटी देण्यासाठी आम्ही सुमारे 20 कोटी रु. ची गुंतवणूक करण्याची योजना आखली आहे. येत्या काही वर्षांत वाहन संरक्षण आणि कार केअर क्षेत्रातील अग्रगण्य कंपनी म्हणून कॉस्मो कन्झ्युमरची ओळख निर्माण करण्याचे आमचे उद्दिष्ट आहे.”
नवीन कॉस्मो कार केअर सेंटरमध्ये ग्राहकांना एकाच छताखाली वाहन संरक्षण आणि वाहन सौंदर्यवर्धनाशी संबंधित सर्वसमावेशक सेवा उपलब्ध करून दिल्या जाणार आहेत. यामध्ये ऑटोमोटिव्ह विंडो फिल्म्स, पेंट प्रोटेक्शन फिल्म्स, कोटिंग्ज, डिटेलिंग सोल्यूशन्स तसेच वैशिष्ट्यपूर्ण कार केअर सेवांचा समावेश असेल. प्रीमियम उत्पादनांमध्ये व्यावसायिक दर्जाची जोडणी आणि कुशल सेवा यांचा संगम घडवून विना अडथळा, अखंड आणि समाधानकारक ग्राहक अनुभव देण्यासाठी या केंद्राची रचना करण्यात आली आहे.
उद्घाटनाबाबत बोलताना कॉस्मो कन्झ्युमरचे व्यवसाय प्रमुख अभिनीश दास म्हणाले, “आमच्या पहिल्या कॉस्मो कार केअर सेंटरचे उद्घाटन हा ऑटोमोटिव्ह आफ्टरमार्केट क्षेत्रातील आमच्या प्रवासातील एक महत्त्वाचा टप्पा आहे. गेल्या वर्षभरात आम्ही आमची उत्पादने, वितरण जाळे आणि इंस्टॉलर भागीदारी यांच्या माध्यमातून मजबूत पाया निर्माण केला आहे. 4C च्या माध्यमातून आम्ही या सर्व क्षमतांना एकत्र आणत ग्राहकांना एकाच छताखाली संपूर्ण वाहन संरक्षण आणि कार केअरचा अनुभव उपलब्ध करून देत आहोत. भविष्याचा विचार करता आर्थिक वर्ष 26-27 दरम्यान भारतभरात सुमारे 35 कॉस्मो कार केअर सेंटर स्थापन करण्याचे आमचे उद्दिष्ट आहे. यामुळे देशव्यापी प्रीमियम कार केअर केंद्रांचे जाळे उभारण्याच्या आमच्या बांधिलकीला अधिक बळ मिळेल.”
गेल्या वर्षभरात कॉस्मो कन्झ्युमरने कॉस्मो सनशील्ड अंतर्गत कार्बन पिगमेंट सिरीज सादर करून तसेच कॉस्मो पीपीएफ अंतर्गत चार नवीन प्रकार बाजारात आणून आपला उत्पादन पोर्टफोलिओ अधिक मजबूत केला आहे. तसेच, बाजारपेठेतील पोहोच वाढवण्यासाठी आणि ग्राहकांमध्ये जागरूकता निर्माण करण्यासाठी कंपनीने भारतभरातील विविध डिटेलिंग स्टुडिओंसोबत भागीदारी केली आहे. पुढील काळात कॉस्मो कन्झ्युमर भारतातील प्रमुख ऑटोमोटिव्ह बाजारपेठांमध्ये 4C मॉडेलचा विस्तार करण्याची योजना आखत आहे. यासोबतच विपणन उपक्रमांमध्ये आक्रमक गुंतवणूक, वितरण व भागीदार जाळ्याचा विस्तार आणि सातत्यपूर्ण नवनवीन कल्पना तसेच नवीन ऑटोमोटिव्ह केअर सोल्यूशन्सच्या माध्यमातून उत्पादन पोर्टफोलिओ अधिक सक्षम करण्यावर कंपनी भर देणार आहे. यामुळे देशातील वेगाने वाढणाऱ्या ऑटोमोटिव्ह आफ्टरमार्केट उद्योगातील तिचे स्थान आणखी मजबूत होईल.
पीएमपीएमएलसाठी महापालिकेची खास सभा-श्रीनाथ भिमाले
पुणे, दि. २५ जून : शहराच्या सार्वजनिक वाहतूक व्यवस्थेचा...