पुणे- छत्रपती शिवाजी महाराज, महात्मा फुले, सावित्रीबाई फुले अशा महाराष्ट्रातील थोर आदर्श दैवतांंबाबत अनुचित विधाने केल्याच्या आरोपाने घायाळ झालेल्या भारतीय जनता पार्टीला आता राज्यपाल कोश्यारी यांना परत बोलाविण्याची वेळ येऊन ठेपली आहे. गुजरात च्या मतदाना नंतर त्यांना या पदावरून काढून अन्य राज्यपालांची नियुक्ती होईल असे बोलले जात असताना आज पुण्यात एकनाथ शिंदे गटाचे आमदार भारत गोगावले यांनी महत्वाचे विधान केले आहे. राज्यपाल आता जाण्याच्या तयारीत आहेत असे ते म्हणाले आहेत. थोड्या दिवसात ते जातील असेही ते म्हणाले आहेत.
पुण्यात नाना भानगिरे आणि अजय भोसले,किरण साळी यांच्यासह संजय अगरवाल,सुधीर कुरुमकर आणि एकूणच एकनाथ शिंदे यांच्या ‘बाळासाहेबांची शिवसेना’ या पक्षाच्या मेळाव्यासाठी गोगावले येथे आले होते यावेळी माध्यमांशी बोलताना त्यांनी हि प्रतिक्रिया दिली.
