पुणे-वीर गोगादेव जन्मोत्सवानिमित्त लष्कर भागात २८ निशाणाची मिरवणूक उत्साहात संपन्न झाली . वीर गोगादेव जन्मोत्सव समितीच्यावतीने नवा मोदीखाना येथून अशोक भगत संघेलिया या निशाणाची पूजा करून या मिरवणुकीस प्रारंभ परिमंडळ दोनचे पोलिस उपायुक्त डॉ. प्रविण मुंढे यांच्याहस्ते करण्यात आला . हि मिरवणूक नवा मोदीखाना , सेंटर स्ट्रीट , भोपळे चौक , साचापीर स्ट्रीट , महावीर चौक , महात्मा गांधी रस्ता , संत नामदेव चौक , मोहम्मद रफी चौक , वीर गोगादेव चौक , पंधरा ऑगस्ट चौक , वजीर भगत संघेलिया चौकाजवळील गोगामेढी येथे मिरवणुकीची सांगता झाली .या मिरवणुकीमध्ये पारंपरिक वाद्ये , बॅण्डपथक , लेझीम आदी पथके सहभागी झाली होती . तर छत्रपती शिवाजी महाराजांच्या वेशभुषेत श्याम बोत्रे यांनी तलवारीची प्रात्यक्षिके करून दाखविली .
या मिरवणुकीमध्ये महाराष्ट्र राज्याचे सामाजिक न्याय राज्यमंत्री दिलीप कांबळे , महापौर मुक्ता टिळक ,पुणे कॅन्टोन्मेंट बोर्डाचे उपाध्यक्ष अतुल गायकवाड , खासदार वंदना चव्हाण , पुणे शहर काँग्रेस कमिटीचे अध्यक्ष रमेश बागवे , माजी आमदार मोहन जोशी , बाळासाहेब शिवरकर , बापूसाहेब गानला , बाप्पुसाहेब भोसले ,नगरसेवक दिलीप गिरमकर , नगरसेवक सुनिल कांबळे , नगरसेवक रफिक शेख , नगरसेविका मनिषा लडकत , नगरसेविका लता राजगुरू , डॉ. पनीकर सुधाकर दास , कविराज संघेलिया , सुरेश मकवानी , विक्रम गोहेर ,किशोर संघेलिया , रणजित परदेशी , मन्नू कागडा , शैलेश म्हेत्रे , विनोद निनारिया , भिकाचंद मेमजादे , नरोत्तम चव्हाण , डॉ. अनुप बेगी , शैलेंद्र जाधव , दीपक उमंदे , मेघराज पवार आदी मान्यवर सहभागी झाले होते .
या मिरवणुकीमधील निशाणप्रमुखांचे स्वागत पुणे कॅन्टोन्मेंट शांतता समितीच्यावतीने श्रीफळ व पुष्पहार देउन बाप्पुसाहेब गानला , दिलीप भिकुले , विकास भांबुरे , विजय भोसले , बलबीरसिंग कलसी यांनी केले . तसेच भारतीय जनता पार्टी पुणे कॅन्टोन्मेंट विधानसभा मतदार संघाच्यावतीने उभारण्यात आलेल्या स्वागत कक्षात जयप्रकाश पुरोहित व संतोष इंदूरकर यांनी निशाणप्रमुखांचे स्मृतीचिन्ह देयून स्वागत केले . तसेच पुणे महापालिकेच्या वतीने महापौर मुक्ता टिळक यांनी निशाण प्रमुखांचे स्मृतींचिन्ह देयून स्वागत केले . राष्ट्रवादी काँग्रेस पार्टी व स्वराज्य निर्माण सेनेच्यावतीने देखील स्वागत करण्यात आले . या मिरवणुकीमध्ये पुणे लष्कर , हरकानगर , मंगळवार पेठ , मोहम्मदवाडी , खडकमाळ आळी , ससून कर्मचारी वसाहत , येरवडा , कोरेगाव पार्क बर्निंग घाट , घोरपडी , रामटेकडी , वानवडी व फुलेनगर आदी भागामधील निशाण सहभागी झाले होते . यावेळी वीर गोगादेव स्पोर्ट्स संस्थेच्यावतीने देशभक्तीपर तसेच धार्मिक संगीताचा कार्यक्रम आयोजित करण्यात आला होता . यावेळी संस्थेच्यावतीने भाविकांना महाप्रसादाचे आयोजन केले होते . या कार्यक्रमाचे आयोजन वीर गोगादेव स्पोर्ट्स संस्थेचे अध्यक्ष योगेश चव्हाण आणि जयकुमार राघवचारी यांनी केले होते . गोगामेढी येथे सर्व निशाण एकत्रित येऊन निशाणाची पूजा करून आरती करण्यात येऊन या मिरवणुकीची सांगता झाली . यावेळी गोगामेढीला एल इ डीची आकर्षक विद्युत रोषणाई करण्यात आली होती .
