पुणे : श्री श्री रविशंकर यांच्या ‘आर्ट ऑफ लिव्हिंग संस्थे’ तर्फे पुणे महानगरपालिकेला ३ एचएफएनसी मशीन व १५ हजार मास्क पुण्यनगरीचे महापौर मुरलीधर मोहोळ व आमदार चंद्रकांतदादा पाटील यांच्याकडे सुपूर्द करण्यात आले.
याप्रसंगी उपमहापौर सौ. सरस्वती शेंडगे, स्थायी समिती अध्यक्ष हेमंत रासने, सभागृह नेता धीरज घाटे, अति महापालिका आयुक्त रुबल अग्रवाल, सहा. आरोग्य अधिकारी डॉ अंजली साबणे, डॉ संजीव वावरे, उपायुक्त भूसंपादन वनश्री लाभशेटवार, तसेच आर्ट ऑफ लिव्हिंग संस्थेचे शेखर मुंदडा, आदित्य जोशी व अन्य अधिकारी उपस्थित होते. अक्सा, कॅपजेमिनी आणि आर्ट ऑफ लिव्हिंग यांच्या सीएसआर उपक्रमांतर्गत पुणे महापालिकेला ही वैद्यकीय मदत करण्यात आली.
महापौर मोहोळ म्हणाले की, ‘कोरोना संकटाच्या काळात आर्ट ऑफ लिव्हिंग संस्थेतर्फे पुणे महानगरपालिकेला वेगवेगळ्या पद्धतीने मदतीचा हात देण्यात आला आहे. आज ज्या रूग्णांना ऑक्सिजनची गरज खूप प्रमाणात असलेल्या रुग्णांसाठी अशा एचएफएनसी मशीनमुळे रुग्ण बरे होण्याकरिता मदत होणार आहे. या वैधकीय मदतीबद्दल आर्ट ऑफ लिव्हिंग चे समस्त पुणेकरांकडून मनःपूर्वक धन्यवाद!’
