पुणे-
जुन्या वादाच्या कारणातून एका तरुणाचा पाठलाग करुन त्याला शिवीगाळ करत पाच जणांच्या टाेळक्याने तरुणावर काेयत्याने सपासप वार करुन जीवे ठार मारण्याचा प्रयत्न केला आहे. या घटनेत तुषार सुरेश जाधव (वय-26,रा.आंबेगाव,पुणे) असे यात गंभीर जखमी झालेल्या तरुणाचे नाव असून त्याला उपचाराकरिता रुग्णालयात दाखल करण्यात आले आहे.
याप्रकरणी पोलिसांनी संकेत रेणुसे, ओंकार पवार, प्रथमेश येणपुरे व दाेन अनाेळखी तरुणांवर खुनाचा प्रयत्न केल्याचा गुन्हा भारती विद्यापीठ पोलिस ठाण्यात दाखल केला आहे. याप्रकरणी आराेपी विराेधात तुषार जाधव याने पोलिसांकडे तक्रार दाखल केली असून आराेपी संकेत रेणुसे याला पोलिांनी अटक केली आहे.
पोलिसांनी दिलेल्या माहितीनुसार, तक्रारदार तुषार जाधव हे त्यांना भेटलेले आॅर्डरचे फटाके देण्यासाठी त्यांचा भाऊ मयुर जाधव याचेसह जैनमंदिर, कात्रज,पुणे येथे दुचाकीवर जात हाेता. त्यावेळी आराेपी संकेत रेणुसे याने तक्रारदार याचा भाऊ निखील जाधव याचे साेबत सन 2019 मध्ये झालेल्या किरकाेळ कारणावरुनच्या भांडणाचा राग मनात धरुन तक्रारदार जाधव यास शिवीगाळ केली. त्यानंतर आराेपी व त्याचे साेबतचे मुलांनी तक्रारदार व त्यांचा भाऊ मयूर यांचेवर काेयत्याने सपासप वार करुन दाेघांना जीवे ठार मारण्याचा प्रयत्न केला आहे. याप्रकरणी भारती विद्यापीठ पोलिस पुढील तपास करत आहे.