पुणे- राज्याचे उपमुख्यमंत्री अजितदादा पवार आज पुण्यातील गणपतीच्या विसर्जन मिरवणुकीत कधी नव्हे तेवढे दंग झालेले दिसले तर त्याच दुपारी त्यांच्या वडगाव शेरी विधानसभा मतदार संघातील गटाला मोठा हादरा बसला. वडगावशेरी मतदार संघा चे माजी आमदार आणि भाजपचे नेते बापूसाहेब पठारे, त्यांचे चिरंजीव सुरेंद्र पठारे यांच्यासह माजी नगरसेवक महेंद्र पठारे,महादेव पठारे आणि भैय्यासाहेब जाधव या माजी नगरसेवकांनी राष्ट्रवादी शरद पवार गटात जाहीर प्रवेश केला आहे .
यामुळे विद्यमान आमदार सुनील टिंगरे यांना मोठे आव्हान पेलावे लागणार असल्याचे स्पष्ट झाले आहे. बापूसाहेब पठारे यांनी महापलिकेत नगरसेवक, स्थायी समिती अध्यक्ष अशा पदावर काम करत आमदारकी गाठली होती , या मतदार संघात त्यांचे बरे वर्चस्व आहे तर भैय्या जाधव हे माजी न्यायमूर्ती आणि प्रामाणिक माजी नगरसेवक म्हणून लोकांना परिचित आहेत . राजकारणाशिवाय समाज कारण एवढेच माहित असलेले भैय्या साहेब जाधव पठारे यांच्या समवेत शरद पवार गटात गेले आहेत .यामुळे वडगाव शेरी आणि हडपसर हे अजितदादांचे दोन बाले किल्ले आता ढासळयला वेळ लागणार नाही असे बोलले जाते .
