पुणे-
अनिवासी भारतीय नागरिकांच्या अनक्लेम पॉलिसीची माहिती चोरुन बनावट नावाने बँक खाते तयार करुन, मोबाईल नंबर बदलून बजाज आलीयान्झ लाईफ इन्शोरन्स कंपनीची मॅनजरकडून १ कोटी ४७ लाख ८२ हजार २७ रुपयांची फसवणूक करण्यात आल्याचा प्रकार समोर आला आहे. फसवणूकीची रक्कम वाढण्याची शक्यता वर्तविण्यात आली आहे.
याप्रकरणी बलराम कुमार पटवा (वय ३२, रा. मानपुरा पटवा टोली, जि.गया बिहार) यांनी सायबर पोलिस ठाण्यात तक्रार दाखल केली आहे. त्यानुसार मनोज जैन (रा. बिर्ला नगर, ग्वालीयर, मध्यप्रदेश) याच्यावर गुन्हा दाखल करण्यात आलेल्याचे नाव आहे. ही घटना २६ मार्च ते १५ एप्रिल २०२४ या दरम्यानच्या काळात ही घटना घडली आहे.
पोलिसांनी दिलेल्या माहिती नुसार, बजाज आलीयान्झ लाईफ इन्शोरन्स कंपनी मार्फत भारतीय लोकांबरोबर अनिवासी भारतीय नागरिकांना लाईफ इन्शोरन्स दिला जातो. कन्हैया चटलानी यांच्या वडीलांनी २०११ मध्ये काढलेल्या पॉलिसीच्या मॅच्यूरिटी अमाउंट बाबत कंपनीच्या एक्झीक्युटिव्ह यांच्याकडे विचारणा केली. त्यावेळी कपंनीमार्फत सांगण्यात आले की, पॉलिसी मॅच्युअर झाल्यावर उत्तरप्रदेशच्या मैनपुरी येथील बँक ऑफ इंडियाच्या खात्यावर ९१ लाख ३ हजार १८२ रुपये पाठविण्यात आल्याचे सांगण्यात आले. मात्र कन्हैया चटलानी यांनी त्यांचे उत्तरप्रदेश येथे कुठलेही बँक खाते काढले नसून त्यांना कुठलीही रक्कम मिळाले नसल्याचे सांगितले.
यानंतर कंपनीच्या वतीने तपास केला असता कंपनीच्या लाईफ पोर्टलवर लॉगइन करुन पॉलिसी काढतांना दिलेला मोबाईल नंबर बदलून दुसरा नंबर ऍड केल्याचे दिसून आले. तसेच फोनच्या मदतीने बँक खाते सुद्धा बदलण्यात आल्याचे लक्षात आले. कंपनीच्या अंतर्गत तपासात मॅनेजर मनोज जैन याने कंपनीच्या लॅपटॉप मधुन चटलानीच्या इशोरन्स पॉलिस मध्ये १९ ऑक्टोबर २०२० पासून ७३ वेळा लॉग इन केले असल्याचे दिसून आले.
यानंतर जैन याने इतरांच्या पॉलिसीमध्ये कुठे लॉग इन केले आहे का याची माहिती घेतली असता तीन जणांच्या पॉलिसीची पैसे इतर ठिकाणी पाठविण्याचे समोर आले आहे. सर्व पॉलिसी होल्डर हे अनिवासी असून जैन यांनी कंपनीची १ कोटी ४७ लाख ८२ हजार २७ रुपयांची फसवणूक केल्याचे समोर आहे आहे. तसेच इतर पाच जणांची पॉलिसी मध्ये हेरफार केल्याच समोर आले असून याचा सखोल तपास करण्यात येत आहे. यामुळे फसवणूकीची रक्कम वाढण्याची शक्यता वर्तविण्यात आली आहे. याप्रकरणाचा पुढील तपास सायबर पोलिस करत आहेत.
