कात्रज चौकात एसटी च्या चाकाखाली येऊन तरुणीचा जागीच मृत्यू…
पुणे : कायमच रहदारीच्या गर्दीत सापडलेल्या कात्रज चौकामधील अपघात सत्र काही थांबण्याचे नाव घेत नाही, शनिवारी सव्वा आठच्या दरम्यान एसटीचा दुचाकीला धक्का लागला व चाका खाली येऊन एका तरुणीचा जागीच मृत्यू झाल्याची घटना शनिवारी रात्रीघडली. श्वेता चंद्रकांत लीमकर.( २५ मुळ रा.कोल्हापूर…)असे अपघातामध्ये मृत्युमुखी पडलेल्या तरुणीचे नाव आहे.
दोन दिवसांपूर्वीच कात्रज चौकामध्ये पीएमपीएलच्या मध्ये सापडून कंत्राटी कामगाराचा मृत्यू झाल्याची घटना ताजी असतानाच कात्रज चौकामध्ये शनिवारी रात्री एसटीचा दुचाकीला धक्का लागला व चाकाखाली येऊन एका तरुणीचा मृत्यू झाल्याची घटना घडली.(MH 14 BT 4856 सांगली -स्वारगेट व MH 40 Y 5945 यामधील एका बसचा धक्का लागला व दुसऱ्या बसच्या चाकाखाली आल्याने जागेवरच मृत्यू झाला.
श्वेता चंद्रकांत लीमकर वय २५ मुळ रा.कोल्हापूर असे अपघातामध्ये मृत्युमुखी पडलेल्या तरुणीचे नाव आहे,खेड शिवापुर येथील एका कंपनीत ती नोकरीला होती अशी प्राथमिक माहिती मिळत आहे. या घटनेची माहिती मिळताच भारती विद्यापीठ पोलीस स्टेशनचे तसेच वाहतूक विभागाचे कर्मचारी घटनास्थळी दाखल झाले असून अधिकचा तपास सुरू आहे.