पुणे: खराडी स.न. 3 पाटील बुवानगर या ठिकाणी पुणे महानगरपालिकेच्या बांधकाम विकास विभागाकडून अनधिकृत बांधकामावर कारवाई करण्यात आली. या कारवाई मध्ये 15000 चौ.फूट क्षेत्र मोकळे केले आहे. तसेच सोमवारी खराडी क्षेत्रामध्ये जॉकटरची कारवाई करण्यात येणार आहे. व पुढे अशाच प्रकारच्या कारवाया करण्यात येणार आहेत. ही कारवाई अधिक्षक अभियंता श्रीधर येवलेकर, कार्यकारी अभियंता अजित सुर्वे यांच्या मार्गदर्शनाखाली कनिष्ठ अभियंता राजेंद्र फुंदे, मंगेश गायकवाड, आरेखक योगेश गुरव , टूलिप इंजिनिअर गिरीश कराळे यांच्या पथकाने जॉकटर, दोन जेसीबी, तीन ब्रेकर, एक गॅस कटर व दहा बिगारीच्या साहाय्याने ही कारवाई केली. या वेळी कडेकोट पोलिस बंदोबस्त तैनात करण्यात आला होता.अशा अनाधिकृत बांधकामामध्ये कृपया नागरिकांनी घरे घेऊ नयेत असे पुणे महानगरपालिकेमार्फत अवाहन करण्यात येत आहे.