पुणे, दि. १५ : सार्वजनिक क्षेत्रातील शासकीय, निमशासकीय व खाजगी क्षेत्रातील सर्व आस्थापनांनी त्यांच्या आस्थापनेवर असणाऱ्या सर्व कर्मचारी तथा मनुष्यबळाच्या सांख्यिकी माहितीचे (पुरुष / स्त्री एकूण) ई.आर-१ त्रैमासिक विवरणपत्र https//:rojgar.mahaswayam.gov.in या संकेतस्थळावर ऑनलाईन पद्धतीने ३० एप्रिलपर्यंत भरावे, असे आवाहन कौशल्य विकास, रोजगार व उद्योजकता मार्गदर्शन केंद्राने केले आहे.
या सेवायोजनक्षेत्र माहितीचा उपयोग हा योजनाबद्ध आर्थिक विकासात वेगवेगळे प्रकल्प तयार करण्यासाठी व त्यांची अंमलबजावणी करण्यासाठी आवश्यक मनुष्यबळाचा अंदाज घेण्यासाठी होत असतो. ही माहिती राज्यातील सांख्यिकी विभाग व केंद्र शासनाच्या श्रम मंत्रालयाकडे दर तिमाहीस पाठविली जाते.
प्रत्येक तिमाहीनंतर https//:rojgar.mahaswayam.gov.in या संकेतस्थळावर त्रैमासिक विवरणपत्र ई.आर-१ ऑनलाईन सादर करण्यासाठी यापूर्वीच प्रत्येक आस्थापनांना युजर आयडी व पासवर्ड उपलब्ध करून देण्यात आला आहे, त्याचा त्यांनी वापर करावा.
अधिक माहितीसाठी जिल्हा कौशल्य विकास रोजगार उद्योजकता मार्गदर्शन केंद्र, ४८१, रास्ता पेठ, पुणे दूरध्वनी क्रमाक (०२०-२६१३३६०६) वर संपर्क साधावा, असे आवाहनही कौशल्य विकास, रोजगार व उद्योजकता मार्गदर्शन केंद्राचे सहायक आयुक्त सचिन जाधव यांनी केले आहे.
