नर्गिस फाखरी हिच्या ‘ मैं तेरा हिरो’ या चित्रपटाला 10 वर्षे पूर्ण होत असून तिने या चित्रपटा बद्दल खास आठवणी जाग्या केल्या आहेत. ‘मद्रास कॅफे’ आणि ‘रॉकस्टार’ या ब्लॉकबस्टर चित्रपटानंतर नर्गिस हिचा हा तिसरा थिएटर रिलीज चित्रपट होता. ‘ मद्रास कॅफे’ आणि ‘रॉकस्टार’मध्ये तिने सगळ्यांची मन जिंकली. या कॉमिक कॅपरमध्ये ती एक आश्चर्यकारक पॅकेज म्हणून ओळखली गेली.
प्रत्येक फ्रेममध्ये तिने लक्ष वेधून घेतल आणि चित्रपटात आयशा सिंघल म्हणून कामगिरी केली ज्यात वरुण धवन आणि इलियाना डिक्रूझ देखील होते. 78 कोटींच्या प्रभावी कलेक्शनसह हा चित्रपट नर्गिसचा सलग तिसरा बॉक्स ऑफिस हिट ठरला. चित्रपटाच्या यशाबद्दल बोलताना नर्गिस म्हणाली, “वेळ खूप वेगाने निघून जातो हे आज समजल. जेव्हा आम्ही चित्रपटाचे शूटिंग केल तेव्हा तो काल शूट केला असं वाटून जातं.
दिग्दर्शक डेव्हिड धवन आणि माझे सहकलाकार वरुण धवन आणि इलियाना डिक्रूझ यांच्यासोबत काम करताना मला खूप आनंद झाला. ‘मैं तेरा हीरो’ सारखा चित्रपट येऊन तुम्हाला हसवत राहिला यापेक्षा वेगळं सुख काय असणार. ‘मद्रास कॅफे’ आणि ‘रॉकस्टार’ मध्ये गंभीर आणि तीव्र भूमिका साकारल्यानंतर आयशा सिंघलच्या रूपात मजेदार आणि हलकीफुलकी भूमिका साकारण्याची संधी मिळाल्याचा मला आनंद आहे. आयशा सिंघलने मला अजुन एक नवी ओळख दिली ” वर्क फ्रंटवर नर्गिस फाखरी शेवटची ‘ततलुबाज’मध्ये दिसली होती.
