पुणे-दि, २७ मार्च – आगामी लोकसभा निवडणुका अवघ्या काही दिवसांवर आहेत. बारामती लोकसभा मतदारसंघाच्या अनुषंगाने आज राज्याचे उपमुख्यमंत्री अजितदादा पवार प्रमुख उपस्थितीत खडकवासला मतदारसंघातील पदाधिकाऱ्यांची बैठक पार पडली.
यावेळी खडकवासला विधानसभा मतदारसंघातील विकासकामे, पदाधिकाऱ्यांच्या कार्याचा आढावा आणि राष्ट्रवादी काँग्रेस पक्षाची मोर्चेबांधणी यांसह निवडणुकीच्या अनुषंगाने विविध विषयांवर सविस्तर चर्चा झाली.
‘महायुती’ देईल त्या उमेदवाराला निवडून आणण्यासाठी आपण सर्वांनी एकजुटीने झटून काम करण्याचे आवाहन करत मा. अजितदादांनी विविध मुद्यांवर मार्गदर्शन केले. यावेळी खडकवासला विधानसभा मतदारसंघातील सर्व माजी नगरसेवक व पदाधिकारी उपस्थित होते.