मुंबई भाजपा उपाध्यक्ष आचार्य पवन त्रिपाठी यांच्या नेतृत्वातील शिष्टमंडळाने मध्य रेल्वेकडे केली मागणी
मुंबई दिनांक २२ मार्च २०२४
अयोध्या धाममध्ये प्रभू श्रीरामाचे मंदिर उभारल्यानंतर प्रभू श्रीरामाच्या दर्शनासाठी मुंबईहून अयोध्या धामकडे जाणाऱ्या भाविकांची संख्या वाढल्याने दर्शनासाठी प्रवास करताना कोणतीही अडचण येऊ नये, यासाठी रेल्वे क्रमांक 22103 अयोध्या कॅन्टोन्मेंट सुपरफास्ट साप्ताहिक गाडी नियमितपणे रोज चालवावी अशी मागणी मुंबई भाजपा उपाध्यक्ष आचार्य पवन त्रिपाठी यांच्या नेतृत्वातील शिष्टमंडळाने मध्य रेल्वेचे व्यवस्थापक राम करण यादव यांना पत्राद्वारे केली आहे. रेल्वेच्या व्यवस्थापकांनी याबाबत सकारात्मक विचार करण्याचे आश्वासन यावेळी दिले आहे.
मुंबईतून अयोध्येसाठी रोज गाडी सुरू झाल्यास लांब पल्ल्याच्या गाड्यांमधील एसी/स्लिपर कोचमध्ये वेटिंग तिकिटांवर प्रवास करणाऱ्या प्रवाशांची होणारी गैरसोय देखील दूर होईल. यावेळी डॉ. रमाशंकर भारतीय, आर.डी. यादव, सुरेश पाल, दीपनारायण मिश्रा, अभय झा, दयाशंकर यादव, कृपाशंकर दुबे, ब्रिजेश पाल आदी उपस्थित होते.