खास ‘बारामती पॅटर्न’ असलेले पोलीस उपमुख्यालाय पोलीस उपमुख्यालय केवळ राज्यातच नव्हे तर देशभरात पोहोचविण्यासारखा भव्यदिव्य उभारण्यात आले आहे. बऱ्हाणपूर या गावाच्या हद्दीत ६५ एकराच्या प्रशस्त परिसरात हे उपमुख्यालय बांधण्यात आले आहे. यामध्ये पहिल्या टप्प्यात १५ हजार ६५९ चौ. मी.च्या जोत्यावर ३२ हजार ७८५ चौ. मीटरमध्ये प्रशासकीय इमारत, पोलीस अधीक्षक निवासस्थान, उपअधीक्षक निवासस्थान, सायबर पोलीस ठाणे, विश्रामगृह, आर.पी.आय. इमारत, प्रशिक्षण केंद्र, बहुद्देशीय सभागृह, मुलांचे वसतिगृह, मुलींचे वसतिगृह, पोलीस अधिकारी कर्मचाऱ्यांसाठीची निवासस्थाने, पोलीस मोटार ट्रान्सपोर्ट कार्यशाळा या इमारतींचे बांधकाम पूर्ण करण्यात आले आहे.
याशिवाय दुसऱ्या टप्प्यात ४ हजार ८०२ चौ. मीटर बांधकाम क्षेत्रावरील कामे प्रगतीपथावर असून यात क्लब हाऊस, जलतरण तलाव, इन डोअर शूटिंग रेंज, उपहारगृह, शॉपिंग सेंटर, खेळाच्या मैदानात बास्केटबॉल, व्हॉलबॉल, टेनिस लॉन, फुटबॉल मैदान, रनिंग ट्रॅक अशा सर्व मूलभूत आणि आधुनिक गरजेच्या सोई-सुविधा उपलब्ध करण्यात येणार आहेत. या एकूण प्रकल्पाचा खर्च १४२ कोटी ६२ लाख रुपये आहे.
डोळे दिपविणारे बारामती बसस्थानक
बसस्थानक, आगार व निवासस्थानाची पुनर्बांधणी करण्यात आली असून बसस्थानाकाचा संपूर्ण परिसर सुंदर आणि कल्पकतेने उभारला आहे. जागेचे एकूण क्षेत्रफळ २४ हजार ७४८ चौ.मी. आहे. यामध्ये तळमजला व पहिल्या मजल्यावर बस स्थानक कार्यालय, तळमजल्यावर आगार आणि पार्सल कक्ष असे बांधकाम करण्यात आलेले आहे. बसेस उभे राहण्यासाठी २२ फलाट उभारण्यात आले असून तळमजल्यावर २२ दुकाने आणि पहिल्या मजल्यावर २१ कार्यालये, १२३ आसनी परिसंवाद कक्ष, ३६ आसनी बैठक व्यवस्था आणि ३२ आसनी शयनकक्ष आहेत.
या बसस्थानकात ६५ बस, ४७ चारचाकी, ४० ॲटोरिक्षा आणि ११७ दुचाकी वाहनाकरीता वाहनतळाची निर्मिती करण्यात येत आहे. परिसराचे बाह्य सुशोभिकरण,फर्निचर तसेच प्रवाशांकरीता सूचना व दिशादर्शक फलक बसविण्यात येत आहे. बारामती शहराच्या वैभवात या बसस्थानमुळे भर पडली आहे.
बारामती अपर अधीक्षक कार्यालयाची माहिती
बारामती येथे अपर अधीक्षक कार्यालयात वाहतूक शाखा आणि शहर पोलीस ठाणे यांच्याकरीता नवीन प्रशासकीय इमारतीचे एकूण १४ हजार ६२ चौ.मी. क्षेत्रफळात बांधकाम करण्यात आले आले. या कामाकरीता आतापर्यंत २७ कोटी ७७ लाख रुपये खर्च आला आहे.
पोलीस वसाहतीचे उदघाटन
बारामती येथे पोलीस कर्मचाऱ्यांसाठी १०० वर्षापूर्वीच्या जुन्या बैठ्या दगडी ७५ निवासी खोल्या होत्या. त्या मोडखळीस आल्यामुळे तेथे ७ मजली ७ इमारती मूलभुत सोयीसुविधांसह बांधण्यात आल्या आहेत. त्याचा फायदा १९६ पोलीस कुटुंबियांना होणार आहे. ही निवासस्थाने बैठकीची खोली, स्वयंपाकघर, दोन शयनगृहे आदी सुविधांसह आहेत. याशिवाय वालचंदनगर येथे पोलीस ठाण्याची सुसज्ज इमारत आणि पोलीस अधिकाऱ्यांसाठी ४ अधिकारी निवासस्थाने बांधण्यात आली आहेत. या सर्व कामावर ७५ कोटी ४४ लाख रुपये खर्च करण्यात आला आहे.
पुणे जिल्हा ग्रामीण पोलीस दलाकरीता खरेदी करण्यात आलेली वाहने
गृह विभागाच्या विवक्षित प्रयोजनासाठी योजना अंतर्गत जिल्हा नियोजन समितीकडून पुणे जिल्हा ग्रामीण पोलीस दलाकरीता ३१ बोलेरो, ७ स्कॉर्पिओ,१ मराझो अशी एकूण ३९ वाहने खरेदी करण्यात आली आहेत. ‘डायल ११२’ प्रकल्पासाठी, नवीन पोलीस ठाण्यांसाठी एस्कॉर्ट, पायलटवाहन आणि जुनी वाहने निर्लेखित करुन त्याबदल्यात नवीन वाहने अशी ही ३९ वाहने घेण्यात आली आहेत
