पुणे-जरांगे यांच्या आंदोलनाच्या पाठीशी शरद पवार असल्याचा आरोप आज भाजप आमदार यांनी विधानसभेत आणि विधानपरिषदेत केल्यावर या प्रकरणी विधानसभा अध्यक्ष नार्वेकर यांनी एस आय टी चौकशीचे आदेश दिलेत . आज यावर पुण्यात प्रतिक्रिया देताना खुद्द शरद पवार यांनी भाजपचे सर्व आरोप अत्यंत पोरकटपणाचे असून आजवर असा पोरकटपणा पाहिला नाही सांगत वाट्टेल ती चौकशी करा ,न्यायमूर्तींची नेमणूक करा, कर नाही त्याला डर कशाला ?असे सांगत सरकारला प्रतिआव्हान दिल्याचे मानले जाते आहे. आपण सर्वात अगोदर जरांगे यांना भेटून तुमच्या मागण्या काय आहेत , आणि दोन समाजत दुही निर्माण होईल असे काही करू नका असे प्रत्यक्ष भेटून सांगितले होते , सरकारने कॉल रेकॉर्ड तपासावे काय हवे ते करावे , राजेश टोपे यांना उलट सरकारने या प्रकरणी मदत मागितली होती आणि हे मिटावे म्हणून टोपे सरकारला मदत करत होते पण आता टोपेंनाच सरकार दोषी ठरवू पाहत असेल तर यापुढील काळात अशा सरकारला कोणीही मदत करायला पुढे येणार नाही , टोपे १०० टक्के यात दोषी नाहीत हे मी जाणून आहे असेही ते म्हणाले.