रस्त्यांची कामे तातडीने पूर्ण करा – महापौर नागपुरे

पुणे, : “पुण्यातील ३२ रस्त्यांची कामे पूर्ण करण्यासाठी प्राधान्य द्या. त्यासाठी आवश्यक निधी, विविध प्रकारच्या मान्यता व निविदा प्रक्रिया तातडीने पूर्ण करा. याच वर्षी संबंधित रस्त्यांची कामे पूर्ण होतील, याकडे गांभीयनि लक्ष द्या,” अशा सूचना महापौर मंजूषा नागपुरे यांनी प्रशासनास दिल्या.
महापौर नागपुरे यांनी महापालिकेच्या विविध विभागांच्या कामकाजाचा बुधवारी आढावा घेतला. या वेळी
अतिरिक्त आयुक्त, वरिष्ठ अधिकारी, विभाग प्रमुख उपस्थित होते. बैठकीत शहरातील रस्ते, पायाभूत सुविधा, डिजिटायझेशन, उद्याने, सांस्कृतिक सुविधा आणि मालमत्ता व्यवस्थापन यासह विविध विषयांवर सविस्तर चर्चा करण्यात आली.
नागपुरे म्हणाल्या, “शिवणे-खराडी रस्ता आणि म्हात्रे पूल परिसरातील भूसंपादन प्रक्रियेला गती देण्यासाठी प्रयत्न करा. नव्याने समाविष्ट गावांमधील प्रमख रस्त्यांच्या विकासासाठी स्वतंत्र कार्यवाही होण्याची आवश्यकता आहे. पीपीपी तत्त्वावरील, क्रेडिट नोटच्या माध्यमातून सुरू असलेल्या रस्त्यांच्या कामांनाही वेग द्या. पावसाळ्यापूर्वी खोदाईची कामे तातडीने पूर्ण करण्याच्या सूचना संबंधित विभागांना द्या. सांस्कृतिक व क्रीडा विभागाला नाट्यगृहांच्या स्वच्छता, देखभाल-दुरुस्तीसाठी सक्षम यंत्रणा उभाराव्यात “