पुणे-लोकांशी थेट संवाद असेल तर मतदार भरभरून आशीर्वाद देतात. लोकांसाठी कार्यालयाची दारे नेहमी उघडी असावीत असा संदेश येथे कोथरूडचे आमदार राज्याचे मंत्री चंद्रकांतदादा पाटील यांनी दिला प्रभाग क्रमांक ११ मधील भाजपच्या नगरसेविका मनिषा बुटाला यां जनसंपर्क कार्यालयाच्या उद्घाटन प्रसंगी ते बोलत होते तर यावेळी आता यापुढे प्रत्येक श्वास जनसेवेचा अन ध्यास सर्वांगीण विकासाचा! असा संकल्प नगरसेविका मनिषा बुटाला यांनी प्रतिज्ञा घेत केला.
या उद्घाटन सोहळ्याला भाजपा प्रदेश सरचिटणीस राजेश पांडे, भाजपा नेते डॉ. संदीप बुटाला, नगरसेवक पुनीत जोशी, प्रभाग अध्यक्षा ॲड. वासंतीताई जाधव, मंजुषाताई खर्डेकर, साहित्य परिषद कार्यवाह सुनील महाजन, हास्य कलाकार मकरंद टिल्लू, सिताराम खाडे, नगरसेवक दिनेश माथवड, सुनील पांडे, नगरसेविका ॲड. मितालीताई सावळेकर, ज्योत्स्नाताई कुलकर्णी, रुपालीताई पवार, तेजश्रीताई पवळे, स्विकृत नगरसेवक निलेश कोंढाळकर, माजी नगरसेवक दिलीप उंबरकर, शाम देशपांडे, जयंत भावे, दीपक पोटे, अश्विनीताई जाधव, मीनाताई खताते, गिरीष खत्री, सचिन पाषाणकर, जगन्नाथ कुलकर्णी, प्रशांत हरसुले, बाळासाहेब टेमकर, नवनाथ जाधव, अजित जगताप, स्वातीताई मोहोळ, श्रीधर मोहोळ, दीपक पवार, प्रा. अनुराधा एडके, विद्याताई टेमकर, कल्पनाताई पुरंदरे, प्राजक्ता जोशी, प्रभाग क्रमांक ११चे अध्यक्ष अतुल शिंदे, ॲड. प्राची बगाटे, राजू मोरे, अंबादास अष्टेकर, आशुतोष वैश्यपायन, संतोष रायरीकर, तुकाराम जाधव, नितिन शिंदे, दिनेश माझिरे, कमलाकर भोंडे, संतोष अमराळे, संदीप मोरे, निर्मलाताई रायरीकर, सारिका सणस, नंदकुमार गोसावी, स्वप्निल राजवाडे, संतोष अनिवासे, कुणाल तोंडे, सुयश ढवळे, अमर गायकवाड, सचिन जोरी, कस्तुरीताई पाटील यांच्यासह भाजपचे पदाधिकारी, कार्यकर्ते आणि परिसरातील नागरिक, सोसायटी पदाधिकारी व सार्वजिक मंडळ पदाधिकारी, हास्य क्लब पदाधिकारी व ज्येष्ठ नागरिक मोठ्या संख्येने उपस्थित होते. सुयश बुटाला मित्र परिवाराच्या वतीने कार्यक्रमाचे यशस्वी आयोजन करण्यात आले होते.
उच्च व तंत्रशिक्षण मंत्री चंद्रकांतदादा यावेळी म्हणाले,’लोकांशी थेट संवाद असेल तर मतदार भरभरून आशीर्वाद देतात. लोकांसाठी कार्यालयाची दारे नेहमी उघडी असावीत आणि हे कार्यालय लोकांच्या अडीअडचणी सोडवण्यास सदैव जिवंत राहिले पाहिजे. सर्वसामान्य नागरिकांच्या समस्या सोडवण्यास भाजपा कार्यकर्ते कटिबद्ध राहिले पाहिजेत अशी अपेक्षाही ना. चंद्रकांतदादा पाटील यांनी यावेळी बोलताना व्यक्त केली. भारतीय जनता पक्षाचे ‘सेवा संपर्क संवाद आणि समर्पण’ या उच्च हेतूवर कार्य सुरू असल्याने कोथरूडमधील एकही समस्या शिल्लक राहणार नाही, अशी ग्वाही चंद्रकांतदादा पाटील यांनी यावेळी व्यक्त केली.
“गेल्या ३२ वर्षांपासून आम्ही या वस्तीबहुल भागात भारतीय जनता पक्षाच्या विचारार्थ अहोरात्र सामाजिक काम करत आहे. कार्यकर्त्यांची तळमळ आणि जनसंपर्क सुरू होताच पण नामदार चंद्रकांतदादांचे आशीर्वाद आणि सूक्ष्म नियोजन यामुळेच मनिषा बुटाला यांचा हा विजय साकार झाला आहे. आगामी काळात या प्रभागातून भाजपचे चारही उमेदवार प्रचंड बहुमताने विजयी करण्यासाठी आणि अनेक ज्येष्ठ कार्यकर्त्यांना न्याय मिळवून देण्यासाठी आम्ही पूर्ण शक्तीने सर्वांना एकत्र घेऊन काम करू.”असा निश्चय भाजपाचे निष्ठावान कार्यकर्ते डॉक्टर संदीप बुटाला यांनी व्यक्त केला.
आपल्या भावना व्यक्त करताना नगरसेविका मनिषा बुटाला म्हणाल्या, “कोथरूड विधानसभेतील प्रभाग 11 मधील नागरिकांना २४ तास मुक्तपणे भेटता यावे, यासाठी हे जनसंपर्क कार्यालय सुरू करण्यात आले आहे. प्रभागात माझे पती डॉ. संदीप बुटाला ३२ वर्षांपासून तुमच्या सेवेसाठी खंबीरपणे काम करत होते, आता इथून पुढे मी (भाजपाची कार्यकर्ती) त्यांच्या खांद्याला खांदा लावून तुमच्या अडीअडचणी सोडवण्यासाठी आणि सेवेसाठी तत्पर राहीन. कोथरूड विधानसभा निवडणुकीप्रमाणे भक्कम जनआशीर्वाद घेऊन आगामी निवडणुकीत प्रभाग ११ मधून भाजपचे चारही नगरसेवक निवडून येतील, असा ठाम विश्वास नगरसेविका मनिषा बुटाला यांनी व्यक्त केला.”
