लोकसभा निवडणुकीपूर्वी पश्चिम बंगालमध्ये विरोधी पक्ष भारत आघाडीला मोठा झटका बसला आहे. पश्चिम बंगालच्या मुख्यमंत्री आणि तृणमूल काँग्रेसच्या (टीएमसी) प्रमुख ममता बॅनर्जी यांनी ‘एकला चलो’चा नारा दिला आहे. ममता बॅनर्जी यांनी टीएमसी लोकसभा निवडणूक एकट्याने लढणार असल्याचे जाहीर केले आहे. ममतांच्या या घोषणेने विरोधी INDIA आघाडीमध्ये बिघाडी झाल्याचे दिसून येतआहे.
पश्चिम बंगालच्या मुख्यमंत्री आणि तृणमूल काँग्रेसच्या (TMC) सुप्रीमो ममता बॅनर्जी यांनी 2024 ची लोकसभा निवडणूक एकट्याने लढवण्याची घोषणा केली आहे. ममता बुधवारी म्हणाल्या- काँग्रेसने पश्चिम बंगालमधील जागावाटपाचा माझा प्रस्ताव नाकारला आहे. अशा स्थितीत आघाडी करण्यात अर्थ नाही. बंगालमध्ये आम्ही एकट्यानेच निवडणूक लढवू.
मीडिया रिपोर्ट्सनुसार, काँग्रेस बंगालमध्ये लोकसभा निवडणुकीसाठी 10-12 जागांची मागणी करत आहे. तर टीएमसी फक्त दोन जागा देण्यावर ठाम आहे. 2019च्या लोकसभा निवडणुकीत काँग्रेसने जिंकलेल्या या जागा आहेत.
TMC, काँग्रेस आणि बंगालचे डावे पक्षदेखील I.N.D.I.A. चा भाग आहेत. अशा स्थितीत जागावाटपाचा प्रश्न गुंतागुंतीचा आहे. ममता यांनी आधीच सांगितले आहे की जर टीएमसीला महत्त्व दिले गेले नाही, तर टीएमसी राज्यातील सर्व 42 लोकसभा जागांवर आपले उमेदवार उभे करेल आणि भाजपशी थेट लढत देईल.
दोन दिवसांपूर्वी ममता म्हणाल्या होत्या की निवडणुकीत भाजपशी टक्कर देण्यासाठी टीएमसीकडे ताकद आणि पाठबळ आहे. काँग्रेसचे नाव न घेता ते म्हणाले, पण काही लोकांना जागावाटपावरून आमचे ऐकायचे नाही. तुम्हाला (काँग्रेस) भाजपशी लढायचे नसेल, तर लढू नका. किमान आम्हाला (TMC) जागा द्या. जागावाटपाच्या दिरंगाईसाठी काँग्रेसलाही जबाबदार धरण्यात आले.
