पुढील हजार वर्ष भारतावर परिणाम टाकेल, असे कार्य आता करायचे आहे
अयोध्येत रविवारी श्री रामलल्लाच्या प्राण प्रतिष्ठेचा कार्यक्रम संपन्न झाला. प्रमुख यजमान म्हणून मोदी सोनेरी रंगाचे धोतर आणि कुर्ता परिधान करून 12 वाजता मंदिर परिसरात पोहोचले. त्यांच्या हातात एक थाळी होती, ज्यात श्री रामलल्लाचे चांदीचे छत्र होते. संकल्पासह दुपारी 12.05 वाजता प्राणप्रतिष्ठेचा विधी सुरू झाला, जो तासाभराहून अधिक काळ सुरू होता.
पंतप्रधानांनी देवाची आरती करून चंवर डुलवले केला. मुख्य पुजारी सत्येंद्र दास यांच्याकडून कलावा बांधून त्यांच्या चरणांना स्पर्श केला. यानंतर त्यांनी श्री रामलल्लाला प्रदक्षिणा घालून साष्टांग नमस्कार केला. रामजन्मभूमी ट्रस्टचे अध्यक्ष महंत नृत्य गोपाल दास यांच्या चरणांनाही त्यांनी स्पर्श केला. पंतप्रधानांनी 11 दिवसांचा उपवासही सोडला.
प्राण प्रतिष्ठेनंतर पंतप्रधानांनी जनतेला संबोधित केले. पंतप्रधानांचे 35 मिनिटांचे भाषण राम-रामने सुरू झाले आणि जय सियारामने संपले. त्यांनी देशवासियांचे अभिनंदन केले आणि म्हटले – हे राम मंदिर भारताचा उदय पाहणार आहे.
या भव्य सोहळ्यानंतर पंतप्रधान नरेंद्र मोदी यांनी रामायणामधील पात्रांचा उल्लेख करत देशातील युवकांना आवाहन केले. श्री रामाचे भव्य मंदिर तर तयार झाले, आता पुढे काय? आज या पवित्र वेळी आपण पुढील हजार वर्षांची पायाभरणी केली आहे. मोदींनी आपल्या भाषणात शबरी, निषादराज, खार आणि जटायू यांची उदाहरणे दिली.मोदींनी श्री रामाचे भव्य मंदिर तर झाले आता पुढे काय असा प्रश्न उपस्थित करत एक संकल्प मांडला. राम मंदिराच्या निर्मितीच्या पुढे जाऊन आपण एक समर्थ, भव्य आणि दिव्य भारत निर्मितीची शपथ घेऊया, असे आवाहन मोदींनी केले. या शुभ दिनी आपल्याला आशीर्वाद देण्यासाठी ज्या दैवी शक्ती आणि आत्मे उपस्थित आहेत, त्या आपल्याला असेच निरोप देतील का? कदापी नाही. आज मी मनापासून अनुभवतोय की, कालचक्र बदलत आहे.हा एक संयोग आहे. कालचक्राने या मंदिर निर्मितीसाठी आपल्या पिढीची निवड केली आहे. त्यामुळेच मी म्हणतोय की, हीच वेळ आहे हीच योग्य वेळ आहे. श्री रामाचे विचार सोबत घेऊन, राष्ट्र निर्मिती करण्याची शपथ घेऊ यात.पंतप्रधान म्हणाले की, आजच्या युगाची मागणी आहे की आपण आपल्या विवेकाचा विस्तार केला पाहिजे. हनुमानजींची सेवा, गुण, समर्पण. हे असे गुण आहेत जे बाहेरून शोधावे लागत नाहीत. हे गुणच एक भव्य आणि दिव्य भारताचा आधार बनेल. ही दिव्य भारताची निर्मिती आहे. दुर्गम झोपडीत राहणारी आई शबरीची अनुभूती येते. ती खूप दिवसांपासून म्हणत होती की राम येणार. हा विश्वास प्रत्येक भारतीयात जन्माला येतो. ते म्हणाले की, हा देवापासून देश आणि रामापासून राष्ट्राच्या चैतन्याचा विस्तार आहे. आज देशात निराशेला थोडी जागाही नाही. जे स्वतःला सामान्य आणि लहान समजतात त्यांनी खारीचे योगदान लक्षात ठेवावे.पीएम मोदी म्हणाले की, लंकापती रावण अत्यंत शक्तिशाली आणि ज्ञानी होता. पण जटायू पहा, तो बलाढ्य रावणाशी लढला. तो रावणाचा पराभव करू शकणार नाही हे त्याला माहीत होते. पण तरीही त्याने त्याचा सामना केला. अहंकारातून उठून स्वतःचा विचार केला पाहिजे. शतकानुशतकांच्या प्रतीक्षेनंतर आपण सगळे इथपर्यंत पोहोचलो आहोत. आता आम्ही थांबणार नाही.ते म्हणाले की, मी देशातील तरुणांना आवाहन करू इच्छितो की अशी वेळ आणि योगायोग पुन्हा होणार नाही. आता आम्हाला चुकण्याची गरज नाही. परंपरा आणि आधुनिकता सोबत घेऊन पुढे जायचे आहे. हे भव्य राम मंदिर भव्य भारताच्या प्रगतीचे साक्षीदार असेल. सामूहिक प्रयत्नातून ध्येयाचा जन्म झाला तर वेळ लागणार नाही. रामललाच्या चरणी शरण जाऊन मी माझे बोलणे संपवतो. जय सियावर रामचंद्र ।
