मुंबई-पुणे महापालिकेचे माजी आयुक्त नितीन करीर यांना मुख्य सचिवपद देण्यात आले आहे. महाराष्ट्रातील विविध भागात काम केल्याचा त्यांना अनुभव आहे. नितीन करीर हे 1988 च्या आयएएस बॅचचे प्रशासकीय अधिकारी आहेत. दुसरीकडे, विवेक फणसाळकर हे पोलिस महासंचालक पदासाठी इच्छूक होते. पुढील नियुक्ती होईलपर्यंत त्यांना पोलिस महासंचालक पदाचा पदभार सांभाळावा लागणार आहे. नितीन करीर यांची मुख्य सचिवपदी निवड करण्यात आली असली तरी त्यांच्याकडे पुढील तीन महिन्यांचा कालावधी असेल. नितीन करीर हे 31 मार्च 2024 रोजी निवृत्त होत आहेत. त्यानंतर आयएएस अधिकारी सुजाता सौनिक यांना संधी मिळू शकते.
सध्याचे मुख्य सचिव मनोज सौनिक हे आज निवृत्त होत आहेत. त्यांना मुदतवाढ मिळावी यासाठी राज्य सरकारने केंद्राकडे पत्र व्यवहार केला होता. मात्र, केंद्राने त्या प्रस्तावाला मंजूर न केल्याने नितीन करीर यांची मुख्य सचिव पदी नियुक्ती करण्यात आली आहे. नितीन करीर यांनी यापूर्वी महाराष्ट्र सरकारच्या विविध विभागात काम केलेले आहे. ते सध्या वित्त विभागाचे सचिव म्हणून कार्यरत होते.